Нацбанк выпускае манету, прысвечаную пераможцу Бітвы пад Оршай Астрожскаму ў серыі «Умацаванне і абарона дзяржавы»
Нацыянальны банк Беларусі плануе ў 2014 годзе выпусціць у абарачэнне памятныя манеты рознай тэматыкі.
У прыватнасці, будуць выпушчаны памятныя манеты, якія закранаюць тэму Беларусі і сусветнай супольнасці. Гэта манеты «70 гадоў вызвалення Беларусi ад нямецка-фашысцкiх захопнiкаў», манеты серыі «Праваслаўныя цудатворныя іконы» («Ікона Прасвятой Багародзіцы «Казанская», «Ікона Прасвятой Багародзіцы «Жыровіцкая», «Ікона Прасвятой Багародзіцы «Знаменне», «Ікона Прасвятой Багародзіцы «Бялыніцкая»), манета серыі «Кітайскі каляндар» («Год Авечкі»).
Выйдуць у абарачэнне манеты серыі «Задыякальны гараскоп» -
«Авен (Aries)», «Цялец (Taurus)», «Блізняты (Gemini)», «Рак (Cancer)», «Леў (Leo)», «Дзева (Virgo)», «Шалі (Libra)», «Скарпіён (Scorpio)», «Стралец (Sagittarius)», «Казярог (Capricorn)», «Вадалей (Aquarius)», «Рыбы (Pisces)».
Будуць выпушчаны манеты «Першая сусветная вайна», «Сусветная спадчына ЮНЕСКА. Мірскі замак», манеты серыі «Жыціе святых праваслаўнай царквы» («Прападобны Сергій ігумен Раданежскі»), серыі «Шлях Скарыны».
Таксама Нацбанк парадуе калекцыянераў памятнымі манетамі на тэму гісторыі і культуры Беларусі.
У прыватнасці, у 2014 годзе ў абарачэнне будуць выпушчаны манета «Павел Масленікаў. 100 гадоў», манеты «Аркадзь Куляшоў. 100 гадоў», манеты серыі «Беларускія народныя легенды» («Легенда пра гіля»), серыі «Умацаванне і абарона дзяржавы» («Канстанцін Астрожскі»), серыі «Помнікі архітэктуры Беларусі» («Касцёл Яна Хрысціцеля»), манеты «Беларускі балет. 2014».
Запланаваны шэраг манет тэматыкі аховы навакольнага асяроддзя.
Гэта манеты серыі «Птушка года» («Звычайная зязюля»), серыі «Адроджаныя расліны» («Граздоўнік просты»), серыі «Кветкі Беларусі» («Званочак персікалісты», «Лотаць балотная»), манеты «Заяц» і манета «Зайцы».
Цяпер чытаюць
Ці магчымы другі Чарнобыль? І што цяпер робяць людзі на той АЭС? Навукоўка адказвае на важныя пытанні6
Каментары