U rezidencyi Janukoviča Mižhorje znajšli dakumienty, jakija płavali ŭ vadzie kala pryčała na Dniapry.
Jak paviedamiŭ karespandent Ukrainskaj praŭdy, aktyvisty źbirajuć ich, kab apublikavać.
Siarod dakumientaŭ jość źviestki pra dadatkovuju apłatu rabotnikam DPS u dalarach, chabaru na tenderach, vydatki na śpieckvatery i zahony dla straŭsaŭ.
Jak paviedamiŭ supracoŭnik UHA, jaki zastaŭsia ŭ Mižhorji — major Biełavus — apošni viertalot uzdymaŭsia z terytoryi Mižhorja 2 dni tamu. Pry hetym, pavodle jaho słoŭ, u apošnija dni vielmi aktyŭna ź Mižhorja kursiravali mašyny.
Biełavus nie ŭdakładniŭ, byli heta mašyny hruzavyja abo lehkavyja.
Kala pryčała Mižhorja znojdzienyja kupy popiełu — tam palili papiery. Častku, vidać, raźnios viecier, a niekatoryja prosta nie paśpieli spalić i skinuli ŭ raku.
Tysiačy ludziej hulali siońnia pa rezidencyi Mižhorje, jakaja stała simvałam karupcyi va Ukrainie. Tolki budmateryjały dla hetaha pryvatnaha kompleksu kaštavali 9,5 młn jeŭra. Unutr budynkaŭ samaabarona Majdanu nikoha nie puskała.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy2
Kamientary