Biełaruskaja čyhunka časova pamianiaje raskład ruchu ciahnikoŭ na adnym z učastkaŭ
Źmieny zakranuć adcinak Kalinkavičy — Łuniniec 19 žniŭnia 2026 hoda i źviazanyja z płanavym ramontam čyhunačnaha mosta hałoŭnaha puci stancyi Mikaševičy. Na čas rabot ruch asobnych ciahnikoŭ budzie arhanizavany pavodle źmienienaha raskładu i maršrutaŭ.
Ciahnik mižrehijanalnych linij ekanomkłasa №605/606 Połack — Brest — Połack časova budzie kursavać tolki na ŭčastku Połack — Žytkavičy — Połack. Z Połacka jon adpravicca 18 žniŭnia, a z Žytkavičaŭ — 19 žniŭnia.
Ciahnik №609 Homiel — Hrodna, jaki pavinien adpravicca z Homiela 19 žniŭnia, pačnie ruch a 18:45 zamiest 16:36.
Bieśpierasadačnyja vahony Brest — Hrodna 19 žniŭnia buduć kursavać u składzie ciahnika №604 Brest — Homiel. Adpraŭleńnie z Bresta zapłanavanaje na 19:41.
Akramia taho, na adcinku Kalinkavičy — Žytkavičy — Łuniniec asobnyja ciahniki rehijanalnych linij ekanomkłasa buduć ruchacca pa źmienienych maršrutach.
BČ rekamienduje pasažyram pierad pajezdkaj udakładniać aktualny raskład. Atrymać infarmacyju možna pa telefonie 105, u mabilnym dadatku «BČ. Moj ciahnik» abo na sajcie Biełaruskaj čyhunki.
Kamientary