Biełarus jašče ŭ 2014‑m pierastaŭ płacić za ipateku ŭ Krymie. I sud addaŭ jamu kvateru prosta tak
Maŭlaŭ, bank nie zachacieŭ pracavać u akupavanym Krymie, a značyć, i hrošy nie atrymaje.
U Haharynskim rajonnym sudzie Sievastopala sudzilisia hramadzianin Biełarusi Kirył Ryžankoŭ i Rajfajzien Bank.
Biełarus jašče da 2014 hoda kupiŭ kvateru ŭ Sievastopali i ŭziaŭ pad heta $23 tysiačy pad 12,5% hadavych u Rajfajzien Banku. Paśla 2014 hoda bank spyniŭ dziejnaść na paŭvostravie, filijał zakryŭsia — i kredyt prosta zavis.
Praź dziesiać hadoŭ maŭčańnia biełarus vyrašyŭ dziejničać pieršym. Jon pajšoŭ u sud i paprasiŭ pryznać kvateru jaho ŭłasnaściu — maŭlaŭ, kali bank prapuściŭ trochhadovy termin daŭniny na spahnańnie zapazyčanaści, to i pytańnie zakryłasia samo saboj.
Sud pahadziŭsia całkam: kali bank nie skarystaŭsia pravam praciahnuć pracu ŭ Rasii, to nie maje prava ni na jakoje atrymańnie hrošaj. Ryžankoŭ moža karystacca kvateraj jak choča.
Kamientary