Zialenski zajaviŭ pra ŭdar pa rasijskaj vajskova-marskoj bazie ŭ Novarasijsku
Prezident Ukrainy nazvaŭ apieracyju ŭnikalnaj.
Ukrainskija Siły abarony ŭ noč na 12 žniŭnia nanieśli ŭdar pa rasijskaj vajskova-marskoj bazie ŭ Novarasijsku. Pra heta zajaviŭ prezident Ukrainy Uładzimir Zialenski.
Pavodle jaho, u apieracyi vykarystoŭvalisia reaktyŭnyja drony «Palanica», rakiety «Nieptun» i marskija bieśpiłotnyja sistemy.
Zialenski nazvaŭ apieracyju ŭnikalnaj. Pavodle jaho, cellu stała vajskova-marskaja baza ŭ Novarasijsku — apošni asnoŭny farpost rasijskaha fłotu ŭ Čornym mory, raźmieščany bolš čym za 300 km ad linii frontu.
Ukrainski prezident śćviardžaje, što ŭ vyniku ŭdaru byli paražonyja pazicyi rasijskaj SPA, pryčały i infrastruktura marskoha porta.
Zialenski taksama apublikavaŭ videa načnoj pracy rasijskaj supraćpavietranaj abarony ŭ Novarasijsku.
Rasijskija kanały ŭnačy paviedamlali pra ataku bieśpiłotnikaŭ i pracu SPA ŭ horadzie.
Rasijskija ŭłady zajavili, što ŭ Krasnadarskim krai, u tym liku ŭ Novarasijsku, u vyniku načnoj ukrainskaj ataki dva čałavieki zahinuli i 13 paciarpieli.
Kamientary