Turčynaŭ i žurnalisty patrabujuć pieravybaraŭ i Viarchoŭnaj Rady
Staršynia Viarchoŭnaj Rady, vykanaŭca abaviazkaŭ prezidenta Alaksandr Turčynaŭ zajaviŭ siońnia, što paśla daterminovych vybaraŭ prezidenta treba pravieści vybary parłamienta, «kab całkam abnavić uładu».
Anałahičnaje patrabavańnie vystavili žurnalisty niezaležnych ŚMI. Jany źviartajuć uvahu, što Viarchoŭnaja Rada była pasłuchmianym instrumientam u rukach Janukoviča i hałasavała za «dyktatarskija zakony». «Nadyšoŭ čas poŭnaj pierazahruzki ŭłady», pišuć jany.
Sapraŭdy, isnuje niebiaśpieka, što pa miery zhasańnia narodnaj aktyŭnaści na Majdanie Rada mahła b adviarnuć nazad zavajovy paŭstańnia. Bolšaść u Radzie majuć pradstaŭniki aliharchičnych hrupaŭ, źviazanych ź Janukovičam. Častka ź ich apošni tydzień padtrymała apazicyju, što dało mahčymaść stvaryć «novuju bolšaść».
Siońnia Viarchoŭnaja Rada maje prahałasavać za novy skład urada.
Učora demanstranty sa zhody śpikiera Turčynava zrezali masiŭnuju čyhunnuju aharodžu vakoł Viarchoŭnaj Rady.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu15
Kamientary