Пад мостам у Мінску міліцыя знайшла наркасховішча на 70 мільёнаў даляраў
Мяркуецца, што затрыманы ключавы наркадылер сталіцы.
Як паведамілі ў ГУУС Мінгарвыканкама, затрыманы 37-гадовы менеджар фермерскай гаспадаркі з Мінскай вобласці. А пры ім — вялікая партыя наркотыкаў.
Затрымалі мужчыну фактычна выпадкова. Інспектар ДАІ вырашыў праверыць кіроўцу «Мерсэдэса», які быў прыпаркавана на тратуары на вуліцы Ванеева ў сталіцы. Стан мужчыны выклікаў пэўныя перасцярогі — яго накіравалі на медагляд. Аказалася, што ён быў пад наркатой.
Наркотыкі аказаліся і ў яго машыне: два шпрыцы з экстракцыйным опіем, больш за 250 грамаў міксаў для палення і паўкіло псіхатропу для вытворчасці спайсаў, 100 «марак».
Затрыманы менеджар з’яўляецца наркаманам са стажам, раней судзімы.
Пасля затрымання аператыўнікі знайшлі сховішча наркадылера. Яно знаходзілася пад мостам на развязцы праспектаў Дзяржынскага і Жукава. Там канфіскаваны 2 мільёны «марак» і 13 кілаграмаў парашка, з якога магло атрымацца 2 тоны спайсаў.
Грам спайса каштуе каля 20 даляраў. Атрымліваецца, што толькі за сумесі для палення наркадылер мог атрымаць каля 40 мільёнаў даляраў. А ўсе цалкам наркотыкі цягнуць на 70 мільёнаў.
Мяркуецца, што менеджар з’яўляецца адным з ключавых пастаўшчыкоў псіхатропаў у Мінск.
Заведзена крымінальная справа за незаконны зварот наркотыкаў.
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары