Kurjoz: Amierykancy ličyli, što Iran buduje avijanosiec, a heta była dekaracyja
Amierykanskija ŚMI paviedamili siensacyjnuju navinu ŭ subotu.
Jany spasyłalisia na źviestki raźviedki, pavodle jakich Iran kala porta Biender-Abas buduje kopiju amierykanskaha avijanosca US Nimitz-class. Budaŭničyja pracy raźviedčyki razhledzieli na zdymkach sa spadarožnika. Źviartałasia ŭvaha na toje, što irancy robiać dakładnuju kopiju, na bort była naniesienaja navat ličba «68».
Niekatoryja amierykanskija vajskoŭcy vykazali mierkavańnie, što Iran źbirajecca ŭzarvać karabiel u prapahandysckich metach i pakazać heta pa dziaržaŭnym telebačańni.
Adnak, jak piša brytanskaje vydańnie Guardian, učora iranskija ŚMI paviedamili, što nasamreč budujecca dekaracyja dla filma pra avijakatastrofu 1988 hoda. Tady amierykanski krejsier pamyłkova źbiŭ pasažyrski iranski samalot, pierabłytaŭšy jaho sa źniščalnikam.
Kamientary