39-hadovy žychar Baranavičaŭ padazrajecca ŭ vyvazie ŭ Polšču niepaŭnaletniaj žycharki vioski Lušnieva.
39-hadovy žychar Baranavičaŭ padazrajecca ŭ vyvazie ŭ Polšču niepaŭnaletniaj miascovaj žycharki dla zajmańnia prastytucyjaj. Jak paviedamili BiełaPAN u pres-słužbie UUS Bresckaha abłvykankama, u dačynieńni da jaho 25 kastryčnika śledčym adździaleńniem Baranavickaha HAUS raspačata sprava pa č. 3 art. 187 Kryminalnaha kodeksa (viarboŭka ludziej dla ekspłuatacyi).
Pavodle źviestak śledstva, mužčyna, jaki nidzie nie pracuje, u studzieni—lutym 2004 hoda šlacham padmanu (pad vyhladam pracy pradaŭcom aharodniny i sadaviny) zavierbavaŭ i vyviez u Polšču 17-hadovuju žycharku vioski Lušnieva Baranavickaha rajona. U horadzie Hožuŭ Vielkapolski jon pieradaŭ dziaŭčynu ŭładalniku miascovaha bara "Šachierazada" dla zajmańnia prastytucyjaj.
U Baranavičach heta ŭžo treciaja ŭ 2007 hodzie kryminalnaja sprava, raspačataja ŭ dačynieńni da handlara žyvym tavaram. Usie "biźniesmieny" vyvozili dziaŭčat u Polšču.
Kamientary