Palitviazień Fińkievič źmieščany ŭ śledčy izalatar
U dačynieńni da jaho raspačata novaja kryminalnaja sprava. Arturu pahražaje da troch hadoŭ źniavoleńnia.
Pavodle jaho infarmacyi, u dačynieńni da A.Fińkieviča raspačata sprava na padstavie artykuła 415 Kryminalnaha kodeksa Biełarusi (uchileńnie ad adbyvańnia pakarańnia ŭ vyhladzie abmiežavańnia voli). Hety artykuł praduhledžvaje pakarańnie ŭ vyhladzie pazbaŭleńnia voli da troch hadoŭ.
"Fińkievič ličycca złosnym parušalnikam režymu. Pryčym usie zaŭvahi byli vyniesieny jamu za drobnyja pravinnaści i vielmi praduziata. Prykładna 30 kastryčnika nad Arturam płanujecca sud, i jon naohuł moža trapić z "chimii" ŭ kałoniju", — ličyć P.Sieviaryniec.
Pavodle słoŭ palityka, hetyja dziejańni ŭ adnosinach da Fińkieviča "vielmi nahadvajuć spłanavanuju kampaniju pa likvidacyi maładziožnaha demakratyčnaha ruchu i cisku na tych, chto nazyvaje siabie aktyvistami niezarehistravanaj arhanizacyi "Małady front".
"Učora da našych aktyvistak u Mahilovie i Pinsku prychodzili supracoŭniki Kamiteta dziaržbiaśpieki. Niadaŭna ŭ sud pieradadziena druhaja kryminalnaja sprava ŭ dačynieńni da Dźmitryja Daškieviča. Ciapier — Fińkievič. Presinh idzie z usich bakoŭ", — zaznačaje P.Sieviaryniec.
Jak skazaŭ palityk, paplečniki asudžanych maładych ludziej rychtujuć śpiecyjalnuju pres‑kanfierencyju, pryśviečanuju stanovišču svaich tavaryšaŭ. Płanujecca, što jana projdzie 29 kastryčnika.
Nahadajem, 10 maja 2006 hoda sudom Pieršamajskaha rajona Minska A.Fińkievič byŭ pryhavorany da dvuch hadoŭ abmiežavańnia voli. Sud paličyŭ jaho vinavatym u złačynstvie, praduhledžanym č. 2 art. 339 Kryminalnaha kodeksa (złosnaje chulihanstva). A.Fińkieviča zatrymali ŭ Minsku nočču 30 studzienia za naniasieńnie na ścianu nadpisu "My chočam novaha!". 7 červienia jamu było admoŭlena va ŭmoŭna‑daterminovym vyzvaleńni.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary