Na miescy masavaha rasstrełu ŭ Katyni adkryli vystavu «Dziesiać stahodździaŭ polskaj rusafobii»
Vystava źjaviłasia ŭ Smalenskaj vobłaści na terytoryi miemaryjalnaha kompleksu «Katyń», dzie pachavanyja 4415 vajennapałonnych aficeraŭ polskaj armii, rasstralanych viasnoj 1940 hoda supracoŭnikami NKUS, piša vydańnie «Ostorožno, novosti».
Taksama na terytoryi Katynskaha lesu pachavana kala 6,5 tysiačy achviar stalinskich represij. Vystavu «Dziesiać stahodździaŭ polskaj rusafobii» arhanizavała Rasijskaje vajenna-histaryčnaje tavarystva (RVHA).
«Vystava pryśviečana historyi polskaj rusafobii, heta značyć nianaviści elity polskaj dziaržavy ŭ roznyja pieryjady historyi da Rasii i ruskaha naroda, i tamu, jak hetaja nianaviść prajaŭlałasia ŭ kankretnych dziejańniach. A mienavita — u zachopie rasijskaj terytoryi, u źniščeńni ruskaha, biełaruskaha i małarosijskaha narodaŭ», — zajaviŭ navukovy dyrektar Rasijskaha vajenna-histaryčnaha tavarystva Michaił Miahkoŭ.
U RVHA zajavili, što siońnia polskija ŭłady viaduć ahresiŭnuju antyrasijskuju palityku, znosiać pomniki savieckim voinam, jakija zahinuli ŭ hady Vialikaj Ajčynnaj vajny, a taksama pastaŭlajuć zbroju i bojeprypasy USU.
Pry hetym, pavodle ich słoŭ, vytoki sučasnaha nieanacyzmu ŭ Polščy sychodziać svaimi karaniami hłyboka ŭ historyju.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary