Pradstaŭnik Francyi ŭ Radzie biaśpieki AAN zaklikaŭ Rasiju nie admaŭlać vidavočnaj datyčnaści rasijskich vojskaŭ da padziejaŭ na ŭschodzie Ukrainy.
Pra heta jon zajaviŭ padčas svajho vystupu na pasiadžeńni Rady Biaśpieki AAN, inicyjavanaha rasijskim bokam.
«My bačym, što vybuch hvałtu na ŭschodzie Ukrainy — nie spantanny. My bačym, što realizujecca krymski scenar — spačatku dziejničajuć ahresiŭnyja prarasiejski nastrojenyja ludzi, a tady za imi prychodziać dyscyplinavanyja ŭzbrojenyja ludzi ŭ maskach i kamuflažy. Usio heta raspaŭsiudžvajecca internetam. Niahledziačy na piarečańni Rasii, joj užo nichto nie vieryć. Rasija nie razumieje, što internet isnuje i admaŭlaje vidavočnaje», — skazaŭ jon.
Pradstaŭnik Francyi taksama zaklikaŭ Rasiju vykonvać svaje abaviazacielstvy jak haranta biaśpieki ŭ śviecie, jak člena Rady Biaśpieki AAN.
Kamientary