U Danieckaj vobłaści pačali supraciŭlacca rasijskim vajennym, pad kiraŭnictvam jakich adbyvajucca sieparatysckija biesparadki na ŭschodzie Ukrainy.
Pra heta na svajoj staroncy ŭ Facebook paviedamiła narodny deputat Lesia Arabiec.
«Jość razroźnienyja hrupy ludziej, jakija nie hatovyja iści «pad ruku» Pucina i akazvajuć supraciŭ, u tym liku ŭzbrojeny. Minimum 10 kałaradasaŭ (mianuška ruskich dyviersantaŭ - Red.) byli siońnia źniščanyja. U paćvierdžanym z troch krynic vypadku troje nieviadomych pryjechali pad błokpost, zabili ŭsich kałaradasaŭ z aŭtamataŭ i źnikli. Vałanciorski ruch pa-daniecku», - napisała jana.
U toj ža čas, pa jaje słovach, situacyja ŭ Danieckaj vobłaści «vielmi drennaja».
«Miascovaja milicyja praktyčna ŭ poŭnym składzie zdradziła Ukrainie. Usie (ci amal usie) błokpasty kantralujucca kałaradasami. Adbyłosia paŭnavartasnaje ŭvarvańnie. Raźviedvalna-dyviersijnych hrup HRU HŠ VS RF jak minimum niekalki, ahułam — da bataljona», - piša deputat.
Taksama, pa jaje dadzienych, u Daniecku pačali «chadzić pa kvaterach ludziej z praŭkrainski pohladami».
Na dumku Arabiec, toje, što zaraz adbyvajecca ŭ Daniecku, — heta sproba miascovaj elity «pradacca daražej».
«Miascovyja fieadały sprabujuć pradać svaje pasłuhi daražej toj sa stalic, jakaja budzie harantavać im poŭnaje niepadzielnaje kniažańnie i datacyi. Nakštałt kadyraŭskaj Čačni», - napisała jana.
Nahadajem, raniej SBU apublikavała pierachoplenyja razmovy sieparatystaŭ i dyviersantaŭ ź ich rasijskim kiraŭnictvam, dzie jany, siarod inšaha, abmiarkoŭvali ŭładkavańnie błokpastoŭ na darohach.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary