Premjer-ministr Turcyi Redžep Taip Erdahan vykazaŭ spačuvańni naščadkam sotniaŭ tysiač armian, zabitych padčas Pieršaj suśvietnaj vajny ŭ Asmanskaj impieryi.
U zajavie Erdahana z nahody 99-hadovaj hadaviny pačatku masavaj departacyi armian adznačajecca, što padziei 1915 byli «biesčałaviečnymi «i ciapier stali «ahulnym bolem» dźviuch krain.
«Z nadziejaj i vieraj u toje, što staražytnyja narody, jakija vałodajuć padobnymi zvyčajami i tradycyjami, jakija naležać da adnoj składanaj, ale ŭnikalnaj hieahrafii, zmohuć razam i dastojnym čynam zhadać pra svajo minułaje i pra straty, my žadajem, kab dušy armian, jakija zahinuli ŭ padziejach pačatku XX stahodździa, supakoilisia ź miram, a ich unukam pieradajem svaje spačuvańni», — zajaviŭ Erdahan, vystupajučy ŭ sieradu z pramovaj u parłamiencie.
Pry hetym premjer nahadaŭ, što 24 krasavika — asablivy dla armian dzień.
«Dzień, jaki maje asablivaje značeńnie dla armianskich hramadzian našaj krainy i ŭsich armian śvietu, ujaŭlaje saboj kaštoŭnuju mahčymaść dla svabodnaha abmienu dumkami ŭ dačynieńni da histaryčnych padziej. Nielha admaŭlać, što apošnija hady isnavańnia Asmanskaj impieryi dla miljonaŭ jaje tureckich, kurdskich, arabskich, armianskich i inšych hramadzian, niezaležna ad ich relihijnaj i etničnaj prynaležnaści, byli składanym pieryjadam, napoŭnienym horkimi padziejami», — padkreśliŭ Erdahan.
Zajava Erdahana była taksama raźmieščana na sajcie Kabmina Turcyi, pryčym na dzieviaci movach, u tym liku na ŭschodniearmianskaj i zachodniearmianskaj.
Pa słovach kiraŭnika armianskaha Centra rehijanalnych daśledavańniaŭ, palitołaha Ryčarda Hirahasiana, heta niečakany i vielmi važny krok.
«U hetaha zvarotu try adrasaty: armianskaja dyjaspara, pakolki hetaje pytańnie ŭvieś čas padymaje amierykanski Kanhres; armianski ŭrad, dla jakoha heta — žest dobraj voli, a taksama tureckaja publika, bo Erdahan choča źmiakčyć svoj zvykły vobraz. Jon maje namier stać prezidentam, tamu heta zajava bolš padobna na toje, što rabiŭ Abduła Hiul, čym na zvykłaha nam Erdahana», — miarkuje armianski palitołah.
U svaju čarhu prezident Armienii Sierž Sarhsian zajaviŭ, što Armienija nie razhladaje tureckaje hramadstva ŭ jakaści voraha. Sarhsian zrabiŭ takuju zajavu ŭ zvarocie da dnia pamiaci achviar hienacydu armian, jaki adznačajecca 24 krasavika.
«Schilajučy hałavu pierad pamiaćciu niavinnych achviar, armianie pamiatajuć usich tych turkaŭ, tureckija siamji, jakija ŭ tyja ciažkija dni praciahnuli ruku źniščajemym varvarami svaim armianskim susiedziam i siabram, vyrvali z kipciuroŭ pahromščykaŭ šmatlikich armianskich dziaciej», — dadaŭ palityk.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj19
Kamientary