Chadarkoŭski: Pucin daŭ Kijevu šaniec stać centram pryciahnieńnia słavianskaha śvietu
Niepradumanaja palityka Rasii ŭ dačynieńni da Ukrainy zabrała mahčymaść u Maskvy stać centram pryciahnieńnia ŭschodniesłavianskaha śvietu. Pra heta ŭ Kijevie zajaviŭ rasijski palityk Michaił Chadarkoŭski.
Jon ličyć, što hety centr ciapier moža pieramiaścicca ŭ Kijeŭ.
«U vyniku ambicyj našaha prezidenta nadoŭha abo nazaŭsiody zabłakavanaja mahčymaść dla Maskvy stać centram pryciahnieńnia usiaho ŭschodniesłavianskaha śvietu», — skazaŭ jon.
«U vyniku hetaj hłyboka niepradumanaj palityki miesca słavianskaha centra moža praz tysiačahodździa viarnucca Kijevu», — ličyć Chadarkoŭski.
Pavodle jaho słoŭ, «faktyčna pachavanaja ideja abjadnańnia pravasłaŭnaj carkvy vakoł Maskvy».
Jon źviarnuŭ uvahu na toje, što miljony rasijskich hramadzian za miažoj ciapier stali abjektami niedobrazyčlivych adnosiny.
«Heta padobna na toje, jak kali b ZŠA zamiest taho, kab stvarać Jeŭraatłantyčny aljans, uviali vojski na terytoryju Kanady, kab dyktavać, jak raźvivać adnosiny naroda hetaj krainy», — ličyć Chadarkoŭski.
Jon pierakanany, što ŭ XXI stahodździ nielha žyć pa praviłach minułych stahodździaŭ, dumać katehoryjami siłavoha adabrańnia terytoryj, a nieabchodna dumać katehoryjami pavyšeńnia jakaści žyćcia ludziej.
«U sučasnym hłabalizavanym śviecie heta nie prosta zdajecca dziŭnym i dzikim, heta projhryšnyja pavodziny», — skazaŭ Chadarkoŭski.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Valfovič pra ataku dronam aŭtobusa ź dziećmi ŭ Branskaj vobłaści: Meta była sutyknuć Biełaruś z Ukrainaj19
Kamientary