Andrej Iłaryjonaŭ: Pucin va Ukrainie sakrušalna prajhraŭ

Były daradca Uładzimira Pucina Andrej Iłaryjonaŭ miarkuje, što masavym udziełam u daterminovych prezidenckich vybarach ukraincy sarvali płan Pucina:

«Samy hałoŭny vynik ŭkrainskich prezidenckich vybaraŭ — heta nie toje, što prezidentam abrany Piatro Parašenka. I nie toje, što ŭpieršyniu ŭkrainski prezident abrany ŭ pieršym tury. I navat nie toje, što Julija Cimašenka paniesła surjoznuju parazu, jakaja stavić pad sumnieŭ jaje šancy na dalejšy ŭdzieł u palityčnym žyćci Ukrainy na pieršych rolach.

Samy hałoŭny vynik učorašnich prezidenckich vybaraŭ — heta farmalna — jurydyčnaja śmierć pucinskaha mifa ab t.zv. «raskole» Ukrainy na zachodnie-centralnuju i paŭdniova-ŭschodniuju častki, na «zapadencaŭ» i ruskamoŭnych, na «banderaŭščynu» i «Navarosiju».

Heta pachavańnie pucinskaha płana pa padziele Ukrainy.

Heta kančatkovaje zaviaršeńnie 20-hadovaha pieryjadu «ŭkrainizacyi», važnaha etapu na šlachu viesternizacyi i jeŭrapieizacyi Ukrainy, ab jakich havorka išła tut.

Upieršyniu za dva dziesiacihodździ vybaraŭ u niezaležnaj Ukrainie kiraŭnik dziaržavy abrany nie hałasami žycharoŭ Uschodu Ukrainy suprać hałasoŭ žycharoŭ jaje Zachadu i nie hałasami žycharoŭ Zachadu suprać hałasoŭ žycharoŭ jaje Uschodu.

Upieršyniu prezident Ukrainy abrany hałasami ŭsioj Ukrainy, hałasami žycharoŭ usich bujnych ukrainskich makrarehijonaŭ.

Bolš za toje, pieršyja čatyry kandydaty ŭ prezidenty Ukrainy pa kolkaści atrymanych imi hałasoŭ na ciapierašnich vybarach (P.Parašenka, Ju. Cimašenka, A.Laško, A.Hrycenka, niezaležna ad detalaŭ ich prahram i piersanalnych asablivaściaŭ) palityčna pradstaŭlajuć saboj Zachad i Centr Ukrainy, nie jaje Uschod i Poŭdzień.

Pa sumarnaj kolkaści atrymanych imi hałasoŭ (prykładna 83% — pa dadzienych ekzit-połaŭ) heta aznačaje absalutnuju pieramohu nacyjanalnaha vybaru ŭkrainskimi hramadzianami zachodniaha varyjantu raźvićcia adzinaj Ukrainy. Kolkaść hałasoŭ, atrymanych najbolš papularnym kandydatam, jakoha možna razhladać u jakaści kandydata «Uschodu», S.Cihipka (4,8 %), a taksama najbolš papularnym pucinskim kandydatam M.Dobkinym (2,1%), aznačaje, što prajekty U.Pucina pa zachopie Ukrainy, pa ŭstalavańni kantrolu nad Ukrainaj, pa padziele Ukrainy paciarpieli poŭnuju parazu.

Inšymi słovami, pramiežkavym vynikam dziesiacimiesiačnaj pucinskaj vajny suprać Ukrainy — niahledziačy na nieadnarazovyja zajavy pucinskich prapahandystaŭ pra nibyta jaho niejmaviernyja «pośpiechi i pieramohi» — staŭ tatalny krach płanaŭ Pucina va Ukrainie

Ukraina nie stała banderaŭskaj.

Abo antyrasijskaj.

Abo antyruskaj.

Ukraina, praktyčna ŭsia Ukraina, stała antypucinskaj. I aryjentavanaj na intehracyju ŭ zachodni, h.zn. u sučasny, śviet. Našy vinšavańni brackamu narodu!» — piša Iłaryjonaŭ.

• 0
• 0
• 0
• 0
• 0
• 0
• 0
• 0