Prakuratura Homielskaha rajona 2 červienia nakiravała ŭ sud kryminalnuju spravu ŭ dačynieńni da 26-hadovaha žychara Homiela, jaki abvinavačvajecca ŭ machlarstvie.
Hramadzianin ašukaŭ davierlivych hramadzian na 650 młn. rubloŭ. Pa spravie prachodziać 15 paciarpiełych. Jak paviedamiŭ BiełaPAN prakuror Homielskaha rajona Uładzisłaŭ Žurakoŭski, małady čałaviek arandavaŭ haraž, braŭ u ramont aŭtamabili, prysvojvaŭ papiaredniuju apłatu, zapčastki i zatym pradavaŭ transpartnyja srodki. Na adnym z čužych aŭtamabilaŭ aŭtaślesar biez vadzicielskich pravoŭ pajechaŭ katacca pjanym i byŭ zatrymany supracoŭnikami DAI, čym dadaŭ u svoj pasłužny śpis jašče adzin artykuł Kryminalnaha kodeksa.
Razam z papiaredniaj apłataj jon uziaŭ u ramont dzieviać aŭtamabilaŭ, try ź ich paśpieŭ pradać.
Klijentam jon abiacaŭ chutki ramont i afarboŭku, davaŭ raśpiski, a tym časam raźmiaščaŭ abjavy ŭ hazietach i pradavaŭ aŭtamabili pa zanižanaj canie. Pakupnikam ža, uziaŭšy hrošy za aŭtamabil, abiacaŭ paźniej pieraaformić dakumienty. Naškodziŭ machlar i haspadaru haraža, vykraŭšy ŭ jaho instrumienty dla ramontu.
U 2011 hodzie hamialčanin byŭ asudžany za anałahičnyja złačynstvy. Vyzvaliŭšysia ŭ žniŭni 2013 hoda, tut ža viarnuŭsia da pryvyčnaj spravy.
Dziakujučy supracoŭnikam SK i milicyi paciarpiełym viernuta majomaść i hrošy ŭ ahulnaj sumie na 522 młn. rubloŭ, astatnija hrošy abvinavačvany zraschodavaŭ na ŭłasnyja patreby.
«Umovaj, što spryjała ŭčynieńniu złačynstva, stała žadańnie hramadzian tańniej adramantavać aŭtamabili. Paciarpiełyja źviartalisia nie ŭ śpiecyjalizavanyja aŭtaservisy, dzie afarmlajuć dahavory i dajuć harantyju, što i paciahnuła prablemy ŭ ich i mahčymaść uzbahacicca za čužy košt u abvinavačvanaha», — adznačyŭ Žurakoŭski.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?21
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2323
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama23
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary