Zialenski: Rakiety dla Patriot mohuć nie davać, kab Ukraina była bolš sastuplivaja
Prezident Ukrainy Uładzimir Zialenski zajaviŭ, što nie vyklučaje najaŭnaści palityčnych matyvaŭ u rašeńni zachodnich partnioraŭ skaracić pastaŭki supraćrakietnych srodkaŭ dla Ukrainy. Pra heta jon paviedamiŭ padčas pasiadžeńnia Rady nacyjanalnaj biaśpieki i abarony.
Pavodle słoŭ kiraŭnika ŭkrainskaj dziaržavy, aficyjna sajuźniki, pieradusim ZŠA, a taksama jeŭrapiejskija krainy, patłumačyli źmianšeńnie pastavak bajavymi dziejańniami na Blizkim Uschodzie i nieabchodnaściu nakiravać resursy na abaronu ŭłasnych intaresaŭ u hetym rehijonie. Adnak Zialenski adznačyŭ, što nie ŭpeŭnieny, što heta adzinaja pryčyna.
«Prynamsi, my takuju aficyjnuju pryčynu atrymali ad našych partnioraŭ, najpierš ZŠA, ale i jeŭrapiejskich… Ja nie viedaju, ci jość inšyja pryčyny, akramia Blizkaha Uschodu.
Moža, heta i palityčnyja kroki dla taho, kab Ukraina była, skažam tak, bolš sastuplivaja. Na moj pohlad, i nie biez hetaha. My razumiejem, što heta surjozny vyklik», — skazaŭ Zialenski.
Jon padkreśliŭ, što niedachop supraćrakietnych srodkaŭ źjaŭlajecca surjoznym vyklikam dla krainy. Jon daručyŭ Ministerstvu zamiežnych spraŭ i Ministerstvu abarony prykłaści maksimum namahańniaŭ, kab damahčysia pavieličeńnia pastavak srodkaŭ supraćpavietranaj i supraćrakietnaj abarony. Adnačasova, pavodle jaho, ukrainskija vajskoŭcy pavinny i dalej źniščać varožyja puskavyja ŭstanoŭki, kab pamienšyć pahrozu rakietnych udaraŭ.
Raniej paviedamlałasia, što padčas sustrečy ŭ Avalnaj zale Biełaha doma prezident ZŠA Donald Tramp admoviŭ Uładzimiru Zialenskamu ŭ prośbie pieradać dadatkova 300 rakiet dla kompleksaŭ Patriot. Amierykanski lidar patłumačyŭ heta niedachopam takich rakiet na składach ZŠA i nieabchodnaściu zabiaśpiečyć abaronu amierykanskich vajskovych abjektaŭ va ŭmovach kanfliktu na Blizkim Uschodzie. Akramia taho, pytańnie pieradačy Ukrainie technałohij dla vytvorčaści hetych bojeprypasaŭ taksama pakul zastajecca niavyrašanym.
Raniej Zialenski ŭžo zajaŭlaŭ, što ŭ 2026 hodzie abjomy pastavak supraćrakietnych srodkaŭ dla sistem supraćpavietranaj abarony skaracilisia prykładna ŭtraja ŭ paraŭnańni z 2025 hodam.
Zialenski: Tempy pieradačy Ukrainie rakiet da Patriot sioleta skaracilisia ŭ try razy
Zialenski: Rakiety Patriot u śviecie jość, patrebnyja tolki palityčnyja rašeńni
Nietańjachu zabłakavaŭ pieradaču Ukrainie sistem «Žalezny kupał», choć ZŠA byli hatovyja zapłacić
Tramp nazvaŭ pryčynu admovy Ukrainie ŭ licenzii na rakiety Patriot
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj3
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary