Vystupajučy ŭ piatnicu ŭ Biełym domie pierad žurnalistami, prezident ZŠA Barak Abama zajaviŭ, što Vašynhton robić usio mahčymaje, kab praduchilić dalejšuju eskałacyju ŭzbrojenaha kanfliktu na ŭschodzie Ukrainy.
Amierykanski prezident pryznaŭ, što ZŠA abmiežavanyja ŭ svaich mahčymaściach paŭpłyvać na pazicyju Kramla. Tym nie mienš, jon miarkuje, što rasijskaje kiraŭnictva pavinna być zacikaŭlena ŭ krokach, jakija pryviaduć da źniaćcia ekanamičnych sankcyj.
Pryznaŭšy, što ŭviedzienyja Złučanymi Štatami i Jeŭropaj sankcyi mohuć baluča ŭdaryć pa rasijskaj ekanomicy, Abama skazaŭ,
što pazicyja ZŠA prostaja: «Admoŭciesia ad padtrymki sieparatystaŭ, sankcyi buduć źniatyja, i ekanomika znoŭ budzie raści».
Ale jak padkreśliŭ Abama, kamientujučy dziejańni prezydenta Rasii Pucina, «nie ŭsie ludzi pastupajuć racyjanalna i nie zaŭsiody jany kirujucca siarednieterminovymi i doŭhaterminovymi intaresami».
Prezident ZŠA vystupaŭ pierad presaj paśla telefonnaj razmovy z Pucinym, u jakoj lidary dźviuch krain abmierkavali situacyju va Ukrainie.
Jak paviedamlaje amierykanskaje ahienctva Asašyejted pres sa spasyłkaj na Bieły dom, Barak Abama zajaviŭ Uładzimiru Pucinu ŭ chodzie telefonnaj razmovy ŭ piatnicu, što ZŠA pa-raniejšamu surjozna zakłapočanyja naroščvańniem padtrymki Rasijaj sieparatystaŭ na ŭschodzie Ukrainy.
Heta była pieršaja razmova dvuch prezidentaŭ paśla ŭviadzieńnia Złučanymi Štatami i Jeŭrasajuzam siektaralnych ekanamičnych sankcyj suprać Maskvy.
Prezidenty pahadzilisia, što ciapierašniaje stanovišča spraŭ nie adpaviadaje intaresam abiedźviuch dziaržaŭ. U zajavie Biełaha doma havorycca, što prezident Abama «znoŭ padkreśliŭ svaju prychilnaść dypłamatyčnamu vyrašeńniu kanfliktu».
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary