Sučasnyja muzyki pieraśpiavali kłasiku «Pieśniaroŭ» — premjera 12 vieraśnia

Žyvaja prezientacyja muzyčnaha prajektu «Re:Pieśniary» projdzie ŭ klubie Re:Public 12 vieraśnia. Z hetaj nahody da ciapierašniaj krasy i siły biełaruskaha roku dałučycca biełaruski dziaržaŭny ansambl «Pieśniary»!

Zaduma prajektu «Re:Pieśniary» ŭ tym, kab pakazać nakolki paŭpłyvała muzyka «Pieśniaroŭ» na novaje pakaleńnie biełaruskich muzykantaŭ. Tamu ŭ im biaruć udzieł pradstaŭniki samych roznych stylaŭ, ad džazu i avanhardu da rep-muzyki i indzi-roku. U asnoŭnym heta hurty, jakija pačali pracu ŭžo ŭ novym stahodździ. Padbor vykanaŭcaŭ nievypadkovy ­– kožny ź ich źjaŭlajecca nie tolki vartym uvahi i aryhinalnym muzykam, ale jašče i cikavaj dy jaskravaj asobaj, pradstaŭnikami kulturnaj elity krainy. Jany nie tolki muzykanty, ale razam z tym aktory, mastaki, paety, piedahohi, daśledčyki…

Kožny abraŭ tuju pieśniu, jakuju ličyć najbolš važnaj dla siabie. Akute piajuć «Alesiu», Pomidor/off – «Skrypiać maje łapci», Źmicier Vajciuškievič – «Vieraniku». Poŭny trek list prajektu možna pahladzieć tut.

U vialikim kancercie «Re:Pieśniary» voźmuć ŭdzieł hurty Tonqixod, Pomidor/off, Siarhiej Pukst, Naka, Źmicier Vajciuškievič, Akute, a taksama BDA «Pieśniary».

Svojeasablivym łejtmatyvam prajektu stała pieśnia «Dumali», jakuju vykonvaje duet SP Kava&Angst. Mienavita jana hučyć u proma-roliku aŭtarstva režysera Arcioma Łobača.

«Trek «Dumali» – heta list ad pradstaŭnikoŭ siońniašniaha pakaleńnia — i Ŭładzimiru Mulavinu, i Janku Kupału. List pra čas, u jakim my žyviem, čym my žyviem i pra toje, jakija my sami.

Za rytmičnuju asnovu ŭziataje zašyfravanaje ŭ kupałaŭskim vieršy asanansnaje słova «dumali», što ŭtvarajecca na styku słovaŭ u radku «Ja buDU MALIcca i sercam i dumami». Mienavita ŭ hetym i byŭ pabačany kluč da peŭnaj sproby dyjahnazu pakaleńniu: vialikaja kolkaść mahčymaściaŭ i sposabaŭ isnavańnia i ŭ jakaści kluča — malitva za budučyniu Biełarusi», – kažuć aŭtary tvoru.

Prajekt «Re:Pieśniary» pradstaŭlajuć internet-partał Tuzin.fm, fond «Viartańnie» i hramadzkaja kampanija «Budźma biełarusami!».

Pavialičyć

Premjera prajektu «Re:Pieśniary» da 45-hodździa «Pieśniaroŭ» adbudziecca 12 vieraśnia (piatnica) u kłubie «Re:Public»

(vuł.Prytyckaha, 62, st.m.»Kuncaŭščyna»). Pačatak a 18.00. Vystupiać: Tonqixod, Naka, Pomidor/off, Siarhiej Pukst, Źmicier Vajciuškievič, Akute. Pry ŭdziele biełaruskaha dziaržaŭnaha ansamblu «Pieśniary». Cana kvitkoŭ: 100 000 (tancplac, papiarednie), 130 000 (stoliki, papiarednie), u dzień kancertu – 120 000 (tancplac), 150 000 (stoliki). Daviedki pa t.: 375 (29) 6872093.

Ad 5 žniŭnia kvitki papiarednie možna nabyć anłajn

na sajcie Kvitki.by (tancplac i stoliki) i na sajcie kluba Re:Public (tolki tancplac). Z 6 žniŭnia kvitki na kancert dastupnyja ŭ kasach kvitkoŭ pa ŭsioj krainie i ŭ kasie kłuba Re:Public.

• 0
• 0
• 0
• 0
• 0
• 0
• 0
• 0