Niastrymnyja-3
Žanr: bajavik, tryler, pryhody
Režysior: Patryk Chjuz
U rolach: Silviestr Stałone, Džejsan Stetchem, Meł Hibsan, Charysan Ford, Antonia Banderas, Dolf Łundhren, Arnold Švarcenehier, Džet Li, Kiełan Łats
ZŠA, Francyja, 126 chv.
Barni, Krystmas i astatnija členy kamandy padčas čarhovaj apieracyi sutykajucca z Konradam Stoŭnbenksam, jaki šmat hadoŭ tamu zasnavaŭ razam z Barni kamandu «Niastrymnyja» i ličyŭsia zahinułym. Ciapier Konrad handluje zbrojaj i źjaŭlajecca tym samym čałaviekam, jakoha Barni było daručana zabić.
Stoŭnbenks pastaviŭ sabie metu likvidavać «Niastrymnych». Barni vyrašaje, što ŭ hetaj baraćbie «śviežy» padychod možna supraćpastavić starym mietadam, i papaŭniaje šerahi maładziejšymi bajcami, technična bolš padkavanymi. Novaja misija pieratvarajecca ŭ sutyknieńnie pamiž pradstaŭnikami staroj škoły i ekśpiertami ŭ vysokich technałohijach.
Bajavik, jaki napoŭnicu ekspłuatuje kłasiku žanru, raniej vyjazdžaŭ za košt akciorskaha składu i padtrymańnia duchu hetaj kłasiki, hublaje advajavanyja pieršaj i druhoj častkami pazicyi.
Vartyja ŭvahi chiba što viadomyja Stałone, Švarcenehier i Stetchem, sceny ź jakimi niaźmienna hladziacca ź cikavaściu, bo raspracavanyja z čakanym humaram. Nabor «maładniaka» nie nadaŭ filmu kramianaści, novym piersanažam katastrafična nie chapaje charyzmy (siarod ich možna ŭbačyć Kiełana Łatsa, zorku niaŭdałaha «Hierakła: Pačatak lehiendy» (2013)). Stužka adychodzić ad zajaŭlenaj kłasiki ź viadomymi piensijanierami žanru i pieratvarajecca ŭ siarednieńki bajevičok, jakich proćma zdymajecca ŭ Halivudzie.
Adnak jašče da vychadu treciaj častki było zajaŭlena, što hledačoŭ čakaje sikvieł «Niastrymnyja-4».
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary