Masiravanaja ataka na Krasnadarski kraj RF: u pasiołku Vałna pałaje naftabaza, u Sočy — «samaja praciahłaja ataka»
Hetaj nočču Krasnadarski kraj Rasii apynuŭsia pad masiravanym udaram bieśpiłotnikaŭ. Pavodle zajavaŭ miascovych uładaŭ, ataka pačałasia pozna ŭviečary i ciahnułasia da samaj ranicy.
Samaja ciažkaja situacyja skłałasia ŭ pasiołku Vałna (Ciemrucki rajon). Tam paśla prylotaŭ ci «padzieńnia abłomkaŭ» zahareŭsia reziervuar z naftapraduktami. Akramia taho, paškodžańni atrymali skład i terminały. Hubiernatar zajaviŭ pra dvuch paranienych.
U Sočy ŭłady nazvali hetuju ataku «samaj praciahłaj» u historyi horada. Paviedamlajecca pra paškodžańni pryvatnaha doma. Tym časam u vioscy Juraŭka pad udar trapiła kacielnia.
Miascovyja žychary ŭ sacyjalnych sietkach paviedamlajuć, što vybuchi byli čutnyja ŭsiu noč, a ŭ rajonie parta Tamań (pobač z Vałnoj) bačnaje mocnaje zadymleńnie.
Drony nie ŭpieršyniu atakujuć rasijski naftavy terminał u pasiołku Vałna, jaki zadziejničany ŭ zabieśpiačeńni ŭzbrojenych sił RF.
Kamientary