U Minskim rajonie znojdziena cieła bieź viestak źnikłaj niekalki dzion takmu 19-hadovaj Viktoryi Jasiel.
Jak paviedamili va UUS Minskaha abłvykankama, z zajavaj ab źniknieńni dziaŭčyny ŭ milicyju źviarnulisia jaje rodnyja 21 žniŭnia. U ramkach vyšukovaj spravy ab źniknieńni Viktoryi Jasiel supracoŭnikami kryminalnaha vyšuku UUS Minabłvykankama i Minskaha RUUS była ŭstanoŭlena asoba maładoha čałavieka, jaki padazrajecca ŭ zabojstvie dziaŭčyny.
Ustanoŭlena, što ŭviečary 20 žniŭnia kala 19 hadzin u Minsku dziaŭčyna vyjšła z pracy, sieła ŭ sierabrysty «Mersedes» i źjechała ŭ nieviadomym kirunku. U vyniku praviadzieńnia apieratyŭna-vyšukovych mierapryjemstvaŭ była ŭstanoŭlena asoba kiroŭcy, jaki apošnim bačyŭ dziaŭčynu. Mužčyna rastłumačyŭ apieratyŭnikam, što padvioz jaje da Michanavičaŭ i paśla hetaha nie bačyŭ.
Pry praviercy pakazańniaŭ maładoha čałavieka milicyjantami było ŭstanoŭlena, što jon i Viktoryja byli znajomyja kala troch hadoŭ, pieryjadyčna pierapisvalisia ŭ sacyjalnych sietkach, mieli ahulnych znajomych, časam sustrakalisia ŭ kampanijach. Tady ž było vyrašana bolš detalova pierapravieryć pakazańni chłopca, raskłaści pa chvilinach uvieś toj dzień. U chodzie apytańnia jaho znajomych i svajakoŭ stała vyjaŭlacca ŭsio bolš niestykovak u pakazańniach. Heta dało apieratyŭnikam padstavy mierkavać, što małady čałaviek mieŭ mahčymaść ździejśnić zabojstva dziaŭčyny i pazbavicca ad cieła.
U chodzie praviadzieńnia dalejšych mierapryjemstvaŭ u ramkach vyšukovaj spravy apieratyŭnikami było pryniata rašeńnie jašče raz pahutaryć z kiroŭcam «Miersiedesa». U čas hutarki jon pryznaŭsia ŭ tym, što «vypadkova» zadušyŭ Viktoryju i, spałochaŭšysia zroblenaha, zakapaŭ cieła dziaŭčyny pablizu Minska.
U ciapierašni čas materyjały dla dačy pravavoj acenki pieradadzienyja va USK pa Minskaj vobłaści.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary