Masavaja vakcynacyja suprać hrypu ŭ Minsku pačniecca ŭ kastryčniku. Ab hetym paviedamiła siońnia na apieratyŭnaj naradzie ŭ Minharvykankamie dziaržaŭny sanitarny ŭrač stalicy Natalla Žukava.
«U Minsku pradaŭžajecca padrychtoŭka da kampanii vakcynacyi suprać hrypu. Kiraŭniki bolš jak 1,8 tys. arhanizacyj Minska paćvierdzili hatoŭnaść finansavańnia vakcynacyi suprać hetaha zachvorvańnia svaich supracoŭnikaŭ. Takim čynam, pryščepki zrobiać amal 152 tys. pracujučych žycharoŭ stalicy. Asablivaja ŭvaha budzie ŭdzielena rabotnikam śfier handlu i budaŭnictva. Masavaja vakcynacyja suprać hrypu ŭ Minsku pačniecca ŭ kastryčniku», — skazała Natalla Žukava.
Jana adznačyła, što ŭ horadzie pradaŭžajecca rabota pa papiaredžańni zanosu i raspaŭsiudžvańnia na terytoryi rehijona asabliva niebiaśpiečnych infiekcyj, jakija majuć mižnarodnaje značeńnie. U pryvatnaści, na miedycynski ŭlik staviać usich, chto prybyvaje ź niestabilnych pa lichamancy Eboła krain. «U asnoŭnym heta zamiežnyja studenty. Usie jany znachodziacca pad nazirańniem miedrabotnikaŭ na praciahu 21 dnia paśla pryjezdu», — padkreśliła dziaržaŭny sanitarny ŭrač stalicy.
U biahučym hodzie pryščapić ad hrypu za košt biudžetnych krynic finansavańnia płanujecca bolš za 32 pracenty žycharoŭ Minska. Biaspłatna preparat atrymajuć ludzi z vysokaj ryzykaj raźvićcia ciažkich posthrypoznych uskładnieńniaŭ (z chraničnymi zachvorvańniami sardečna-sasudzistaj, dychalnaj i endakrynnaj sistem, asoby starejšyja za 65 hadoŭ i inšyja), a taksama hramadzianie, jakija majuć vysokuju ryzyku zaražeńnia hrypam (dzieci, miedycynskija rabotniki, supracoŭniki MNS, MUS i inšyja).
Pavodle słoŭ śpiecyjalistaŭ, dziakujučy poŭnamaštabnaj kampanii pa vakcynacyi apošnija dva hady ŭ Minsku nie farmirujecca epidemičny ŭzdym zachvaralnaści na hryp. Akramia taho, pryščepki dajuć dadatny ekanamičny efiekt. Naprykład, ź listapada 2013 hoda pa sakavik 2014 hoda było papiaredžana kala 42 tys. vypadkaŭ zachvorvańnia na hryp i da 13 tys. vypadkaŭ vostrych reśpiratornych infiekcyj. Pavodle padlikaŭ, na kožny ŭkładzieny ŭ vakcynacyju dołar dachod ad papiaredžańnia zachvorvańniaŭ i strat časovaj pracazdolnaści składaje amal $10.
-
27‑hadovaja polka pamierła na rajskim vostravie ad ačyščalnaj dyjety. Dziaŭčyna važyła 27 kh
-
Navošta žančyny koluć u tvar śpiermu łasosia? Biełaruska padzialiłasia ŭłasnym dośviedam
-
Epidemijołah raskazała, kolki nasielnictva chvareje štohod u Biełarusi ŭ siezon zachvorvalnaści na VRI i čaho čakać ad novaha karanavirusa
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary