Siońnia zapracavaŭ sajt Śledčaha kamiteta Biełarusi, paviedamiŭ 12 vieraśnia žurnalistam staršynia SK Valancin Šajeŭ.
«My zapuścili sajt Śledčaha kamiteta, dzie buduć adlustravanyja ŭsie našy kantaktnyja telefony, dzie budzie vykładziena infarmacyja, jak my strukturyravanyja, čym my zajmajemsia, dzie možna pahladzieć i pacikavicca našaj pracaj, u tym liku i zadajučy pytańni, abmiarkoŭvajučy z nami niejkuju tematyku», — skazaŭ jon.
Śledčy kamitet byŭ stvorany ŭkazam Alaksandra Łukašenki ad 12 vieraśnia 2011 hoda, jaki nabyŭ moc 1 studzienia 2012 hoda.
Ukazam vyznačany status Śledčaha kamiteta jak «dziaržaŭnaha pravaachoŭnaha orhana i orhana papiaredniaha śledstva, padparadkavanaha prezidentu Biełarusi, jaki ažyćciaŭlaje ŭ adpaviednaści z zakanadaŭčymi aktami paŭnamoctvy ŭ śfiery dasudovaj kryminalnaj vytvorčaści». Staršynia Śledčaha kamiteta, jaho namieśniki i načalniki ŭpraŭleńnia pa abłaściach i Minsku pryznačajucca na pasady prezidentam.
Kamientary