Lavon Barščeŭski pra Michaleviča, rehijony i pryjezd Pucina

Hutarka z novym staršyniom Partyi BNF.

Naša Niva: Prakamentujcie, kali łaska, sytuacyju z namieśnikami staršyni, u pryvatnaści zakidy pra toje, što Vy prapanavali delehatam źjezdu «staruju hvardyju».

Lavon Barščeŭski: Kali adbyłasia narada ŭ kuluarach, maja prapanova była ahučanaja, i spadar Michalevič ź joj pahadziŭsia, što śpis namieśnikaŭ akazaŭsia bieź jaho. Tamu potym dla mianie było niečakanaściu toje, što jaho vyłučyli, a jon nie admoviŭsia. Tym bolš, što im piśmovaje pahadnieńnie było padpisanaje, što jon nie pretenduje, kali budzie vybrany inšy namieśnik. Tamu ja nie parušyŭ kampramisu, parušeńnie było z taho boku. Ale heta nia značyć, što sp. Michalevič, kali jaho nie abiaruć, nia zmoža prajavić siabie. Jon atrymaje vielmi važny ŭčastak rehijanalnaj dziejnaści, i kali jon prajavić siabie, jak partyjny dziejač u rehijonie, to jon biezumoŭna budzie mieć bolš šancaŭ vyjhrać na nastupnych vybarach i stać staršyniom partyi. Siońnia jon mieŭ šancaŭ mnoha, ale nie da kanca, bo pracavaŭ na dźvie struktury.

NN: Jakoj budzie praca z rehijonami? Partyjnyja lidery na rajonnym uzroŭni narakajuć, što nia majuć padtrymki z centru i praz heta nia mohuć zajmacca palitykaj prafesijna.

Ł.B.: Ja padtrymlivaju — palityka pavinna być prafesijaj. I toje, što abiacaŭ sp. Michalevič, ja dam jamu ŭsie paŭnamoctvy, svoj podpis i imia, kali jon dapamoža vyrašyć hetyja pytańni materyjalnyja. Ja jaho ŭ hetym hłyboka padtrymaju. Ja tolki voś sumniavajusia — była pieradvybarčaja kampanija, a jość realnaść, inšaja. I treba adroźnivać skład źjezdu i skład rehijanalnych strukturaŭ. Na žal niekatoryja ludzi pracavali nie z rehijanalnymi strukturami pierad źjezda, a pracavali z kankretnymi jaho delehatami, kankretnaje niešta im abiacali, a strukturam ad hetaha moža ničoha nie dastacca. Voś tak nie pavinna być. Kali niešta traplaje ŭ rehijony, to jano i pavinna patrapić u rehijonie, a nia peŭnaj asobie.

NN: Što maje rabić partyja ŭ źviazku z chutkim pryjezdam u Biełaruś Uładzimiera Pucina?

Ł.B.: Viktar Ivaškievič užo ahučyŭ prapanovu sabracca 12 śniežnia ŭ 18 hadzinaŭ na Kastryčnickaj płoščy dla vyśviatleńnia hetaj sytuacyi i demanstracyi našaj pazycyi. Ja spadziajusia, što delehaty źjezdu prynamsi, dy inšyja padtrymajuć i pryjduć u hety čas. Heta budzie pieršy krok. Pra astatniaje budziem dumać, źbiracca.

• 0
• 0
• 0
• 0
• 0
• 0
• 0
• 0