Abvieščany poŭny śpis naminantaŭ na premiju Arsieńnievaj

Žury razhledzieła ŭsie zajaŭki i sfarmavała poŭny śpis, u jaki ŭvajšło 19 paetyčnych knih:

1. «2/3» — Fieliks Aksioncaŭ (hochroth Minsk, 2025).
2. «Kabajn» — Miefiedron Biasiecki, Nałysa Altankavič (Hnil) (Łysy čerap, 2025).
3. «A na vioscy panuje ciša» — Marta Damaŭčanka (zašyfravany ŭdzieł, 2025). 
4. «Ciemra sydzie» — Biervieta Irźvickaja, Konrad Žyvojta (aŭdyjakniha, audiobooks.by, 2025). 
5. «Anatomija» — Artur Kamaroŭski (Skaryna Press, 2025).
6. «Biełaja raka» — Leŭ Kapylski (zašyfravany ŭdzieł, 2025).
7. «My» — Chviedar Krapiva (zašyfravany ŭdzieł, 2025). 
8. «Nietutejšaja dalečynia» — Ihar Kulikoŭ (Januškievič, 2025).
9. «Chronika admaŭleńnia pustaty» — Illa Kulbicki (Skaryna Press, 2025).
10. «Laci laci siurykien» — Łusine (hochroth Minsk, 2025).
11. «Toj, chto śmiajecca» — Iłona Miadunka (zašyfravany ŭdzieł, 2025).
12. «Praśpiekt Niežaleznaści» — Mikita Najdzionaŭ (Januškievič, 2025).
13. «Sojka» — Zachar Sakovič (zašyfravany ŭdzieł, 2025).
14. «Prypadź ničyja caryca» — Jafim Sojka (zašyfravany ŭdzieł, 2025).
15. «Krovazvarot» — Jula Cimafiejeva (Januškievič, 2025).
16. «Ich zerschneide die Geschichte / Režu historyju saboj» — Jula Cimafiejeva (Edition frölich, 2025).
17. «Čajny zbor. Vybranaja postpaezija 2007—2025» — Maks Ščur (SayBeat, 2025).
18. «Nadziejny srodak ad pryvidaŭ» — Hanna Jankuta (hochroth Minsk, 2025).
19. «Śviata žyćcia» — Frydrych Samotny (hochroth Minsk, 2025).

Zhodna sa statutam premii, aŭtary i aŭtarki mohuć zachoŭvać ananimnaść ź mierkavańniaŭ biaśpieki. U takich vypadkach tvory ŭdzielničajuć u konkursie biez raskryćcia imionaŭ i nazvaŭ. Aŭtarstva budzie abvieščana tolki tady, kali heta stanie biaśpiečna.

Žury premii

Sioleta ŭ składzie žury — piać hałasoŭ, kožny z ułasnym dośviedam čytańnia i razumieńnia paezii. Razam im naležyć prajści šlach ad pieršaha ŭražańnia da ŭdumlivaha, uvažlivaha pieračytvańnia, kab vyznačyć paetyčnuju knihu hodu. Siarod publičnych siabraŭ žury:

• Andrej Chadanovič — paet, pierakładčyk, litaraturaznaŭca. Hanarovy staršynia Biełaruskaha PENa i papularyzatar biełaruskaj litaratury ŭ Jeŭropie. Łaŭreat šerahu litaraturnych premij, aŭtar šmatlikich paetyčnych zbornikaŭ i pierakładaŭ z anhielskaj, francuzskaj, polskaj i ŭkrainskaj moŭ.
• Darja Bialkievič — paetka, pierakładčyca, aŭtarka piesień, art-mieniedžarka. Łaŭreatka premii Natalli Arsieńnievaj, redaktarka paetyčnych knih, viadoŭca litaraturnaha padkastu «Śpis na leta». Udzielnica mižnarodnych litaraturnych fiestyvalaŭ i rezidencyj.
• Vital Ryžkoŭ — paet, pierakładčyk, arhanizatar litaraturnych prajektaŭ. Łaŭreat premij «Debiut» i «Załaty apostraf», udzielnik mižnarodnych paetyčnych forumaŭ.
• Nasta Kudasava — paetka, pierakładčyca. Łaŭreatka premii imia Michasia Stralcova, premii Biełaruskaha PENa «Kniha hoda» i inšych litaraturnych uznaharod. Aŭtarka siami paetyčnych knih, udzielnica mižnarodnych litaraturnych prajektaŭ. 

• 1
• 0
• 0
• 0
• 0
• 0
• 0
• 0