Apieratar velcom pačaŭ akazvać pasłuhi pravadnoha internetu
Mabilny apieratar velcom pačaŭ akazvać pasłuhi fiksavanaha internetu na bazie ŭłasnaj razhalinavanaj optavałakonnaj sietki pieradačy danych i padklučyŭ pieršych klijentaŭ siarod jurydyčnych asob.
Pra heta paviedamili ŭ hrupie karparatyŭnych kamunikacyj kampanii velcom.
Pieradača danych pa sietcy fiksavanaj suviazi velcom dastupnaja jurydyčnym asobam i indyvidualnym pradprymalnikam. Pavodle źviestak apieratara, najpierš pakryćcio achoplivaje biźnies-centry i handlovyja centry Minska. Razam z tym pry nieabchodnaści dla klijenta moža być arhanizavana indyvidualnaja linija suviazi ŭ lubym punkcie Biełarusi.
Va ŭsich karystalnikaŭ fiksavanaha internetu ad velcom budzie mahčymaść pakarystacca bieźlimitnym internetam. Chutkaść dostupu ŭ internet abo złučeńni «kropka-kropka» budzie składać da 150 Mbit/s. «Vialikija reziervy prapusknoj zdolnaści mahistralnaj sietki velcom i jaje architektura dazvalajuć harantavać karystalnikam stabilna vysokuju jakaść sihnału i chutkaść pieradačy danych», — padkreślivajuć u pres-słužbie apieratara.
Vychad na rynak fiksavanaha internetu velcom tłumačyć usio bolšym popytam na vysakachutkasny pravadny internet.
Za apošnija hady ŭ Biełarusi istotna pavysilisia jak abjomy trafiku, što pieradajecca jurasobami, tak i patrabavańni da arhanizacyi ofisnych sietak pieradačy danych. Raźvićcio z boku velcom pasłuhi pieradačy danych pa fiksavanaj sietcy suviazi dazvolić na bolš vysokim uzroŭni zabiaśpiečyć patrebnaści jak nievialikich kampanij, hetak i bujnych karparacyj ź vialikaj kolkaściu raźmierkavanych ofisaŭ», — zaznačyŭ načalnik adździeła pa raźvićci fiksavanaj suviazi kampanii velcom Pavieł Hančar.
Pasłuhi fiksavanaha internetu velcom užo akazvajucca dziasiatkam kampanij u roznych rajonach Minska. Apieratar maje namier pradoŭžyć pašyrać pakryćcio fiksavanaha internetu ŭ novych i dziejučych biźnies-centrach, u tym liku na asnovie indyvidualnych rašeńniaŭ.
Kolki nasamreč ciahnucca pracoŭnyja pajezdki Łukašenki? Cikavyja ličby14
Kamientary