Premjer-ministr Rasii Dźmitryj Miadźviedzieŭ daručyŭ Minfinu i Minekanamraźvićcia prapracavać mahčymaść viartańnia PDV fizičnym asobam-nierezidentam pry vyvazie imi tavaraŭ, nabytych u RF.
Ab hetym paviedamlajecca na sajcie ŭrada Rasii. Sistema tax free, šyroka prymianiajecca ŭ zamiežnych krainach, častkova ŭ Biełarusi, ale ŭ Rasii da hetaha času adsutničała.
Premjer adznačyŭ, što hetaje pytańnie ŭžo razhladałasia, ale «mnohija zamiežniki i naohuł turysty kažuć pra toje, što takoha rodu padatkovyja lhoty stymulujuć handal». Pry hetym termin, da jakoha treba raspracavać źmieny ŭ zakanadaŭstvie, nie ŭkazany.
Staŭka PDV u Rasii składaje 18%. Dla asobnych tavaraŭ praduhledžana staŭka ŭ 10%, tady jak ekspartnyja apieracyi padatkam nie abkładajucca.
Kamientary