Прэм'ер-міністр Расіі Дзмітрый Мядзведзеў даручыў Мінфіну і Мінэканамразвіцця прапрацаваць магчымасць вяртання ПДВ фізічным асобам-нерэзідэнтам пры вывазе імі тавараў, набытых у РФ.
Аб гэтым паведамляецца на сайце ўрада Расіі. Сістэма tax free, шырока прымяняецца ў замежных краінах, часткова ў Беларусі, але ў Расіі да гэтага часу адсутнічала.
Прэм'ер адзначыў, што гэтае пытанне ўжо разглядалася, але «многія замежнікі і наогул турысты кажуць пра тое, што такога роду падатковыя льготы стымулююць гандаль». Пры гэтым тэрмін, да якога трэба распрацаваць змены ў заканадаўстве, не ўказаны.
Стаўка ПДВ у Расіі складае 18%. Для асобных тавараў прадугледжана стаўка ў 10%, тады як экспартныя аперацыі падаткам не абкладаюцца.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары