Pieciarburhski deputat Vital Miłonaŭ źviarnuŭsia da narodnaj artystki Rasii i Ukrainy — Safii Rataru. Palityk zajaviŭ, što ličyć nieprymalnymi vystupleńni śpiavački na terytoryi Rasii paśla antyrasiejskich žestaŭ jaje syna Rusłana Jeŭdakimienki.
Miłonaŭ nastojvaje: śpiavačcy, jakaja padtrymlivaje «chuntu», nie miesca ŭ rasijskim šou-biznesie. Nahadajem, paśla vyšejpamianionaha skandału kancerty 67-hadovaj artystki ŭ Rasii pačali zryvacca adzin za adnym.
— Ja suprać taho, kab ludzi, jakija adkryta zaklikajuć da źniščeńnia našaj krainy, jakija adkryta padtrymlivajuć chuntu na zachadzie Ukrainy, zarablali hrošy ŭ Rasii, — zajaviŭ deputat partału super.ru. — Ich kamiercyjnaja dziejnaść na terytoryi Rasii niemetazhodnaja. Nichto ž nie źbirajecca ŭ Rasiju puskać Kałamojskaha? Viadoma, my puścim jaho, ale ŭ adzinym vypadku, — kali jon budzie ŭ kajdankach i z zatyčkaj u rocie jechać na braniravanaj mašynie da padvałaŭ Łubianki. Zrazumieła, što Rataru treba padtrymlivać svoj imidž i słavu. Tamu jana šukaje niejkija novyja varyjanty takoj padtrymki — nu voś, u revalucyi paŭdzielničała babula. Paŭdzielničała — dobra! Ale ciapier pryjazdžaj u Rasiju tolki jak pryvatnaja asoba. Dla zarablańnia hrošaj u Rasiju ciabie nichto nie puścić. U nas šmat zorak svaich! Budziem Viku Cyhanovu słuchać!
— Ale ŭ intervju Rataru kaža, što lubić Rasiju hetak ža, jak i Ukrainu.
— Vachtanh Kikabidze taksama lubić, tolki niešta mabyć jon źjeŭ niaśviežaha i vyrašyŭ, što paŭdzielničaŭ by ŭ ATA, kali byŭ by maładym. Viadoma, Rataru lubić našu krainu — jana tut zarablaje! Joj na Ivana-Frankoŭsku tych hrošaj nie zarabić, što jana robić u Rasii. Jana lubić nie Rasiju — jana lubić rasiejskija hrošy i rasiejskuju słavu! A ŭ našaj krainy šyrokaja duša. Viedajecie, moža, u nacysckaj Hiermanii taksama było šmat talentaŭ — u ich chory jakija byli, dy i tančyli dobra, śpiavali pieśni. Ale ich ža ŭ Saviecki Sajuz nie vazili na hastroli hrošy zarablać!
-
Deputata Jeŭraparłamienta, jaki rasśledavaŭ złoŭžyvańni Pegasus, samoha ŭzłamali hetaj špijonskaj prahramaj
-
Rasijanku, jakaja zrabiła ŭ bary «kaljan na kuličy», usio ž nie buduć adpraŭlać u kałoniju
-
Vatykan adłučyŭ ad carkvy Bractva śviatoha Pija X. Raskolniki majuć kaplicu ŭ Minsku, dzie ŭsio pa-rusku — što ciapier čakaje hetych viernikaŭ
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej12
Kamientary