Kamunisty Sankt-Pieciarburha pakryŭdzilisia za biełaruskija cacki
U rasijskim Sankt-Pieciarburhu razharajecca skandał u śfiery dziaržzakupak dla adukacyjnych ustanoŭ.
Situacyja davoli typovaja: u Sankt-Pieciarburhski haradski kamitet partyi «Kamunisty Rasii» źviarnulisia aburanyja žychary. Jany prosiać dapamahčy razabracca ŭ abstavinach, pry jakich u dziciačyja sady byli zakupleny pradmiety na davoli padazronych padstavach. Sprava ŭ tym, što tender vyjhrała TAA «Centr adukacyjnych kampietencyj», jakoje 16 kastryčnika apynułasia ŭ rejestry niadobrasumlennych pastaŭščykoŭ. Suma tenderu sapraŭdy ŭnušalnaja – bolš 1 młn. dalaraŭ!
Pieciarburhskija kamunisty sfarmiravali kamisiju pad kiraŭnictvam sakratara kampartyi Siarhieja Malinkoviča, jakaja i praviała hramadskaje rasśledavańnie.
«My kansultavalisia ź piedahohami i ekśpiertami, - kaža Siarhiej Malinkovič. - Jany ščyra nie razumiejuć, čamu ŭ dziciačyja sady nie pastaŭlajecca ajčynnaja ci biełaruskaja pradukcyja, jakaja nie tolki tańniej, ale i vyrašaje zadačy raźvićcia i navučańnia dziciaci, ustanoŭlenyja fiederalnaj prahramaj madernizacyi rehijanalnych sistem daškolnaj adukacyi».
Jak vyśviatlajecca, techničnaje zadańnie ŭ tendernych dakumientach amal kapijavała kamiercyjnuju prapanovu pastaŭščyka. Faktyčna vyjhrać tender mahli tolki kampanii, jakija pastaŭlajuć cacki zamiežnaha vytvorcy «Imaginarium». Sietka kram «Imaginarium» pa franšyzie naležyć viadomamu pradprymalniku Jaŭhienu Butmanu, pačynalniku biznesa Apple ŭ Rasii. Mienavita na jaho karupcyjnyja suviazi i namiakajuć aktyvisty.
Pa słovach Siarhieja Malinkoviča, ad niesumlennaha tendera paciarpieŭ nie tolki biudžet, ale i pakutujuć intaresy rasijska-biełaruskaha sajuza.
Damahacca praŭdy «Kamunisty Rasii» majuć namier nie tolki pry dapamozie śpiecsłužbaŭ. Zapyty z patrabavańniem pravieryć situacyju ŭ śfiery dziaržzakupak dziciačych tavaraŭ jany nakiravali ŭ śledčy kamitet, prakuraturu i Ministerstva adukacyi i navuki RF.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary