U horadzie Fierhiusan (štat Misury) paśla taho, jak vialikaje žury pryniało rašeńnie nie pryciahvać da suda palicejskaha, što zastreliŭ čarnaskuraha padletka, pačalisia sutyknieńni pratestoŭcaŭ z palicyjaj. Pra heta paviedamlaje CNN.
Paśla abviaščeńnia vierdyktu prysiažnych niekatoryja z tych, chto sabraŭsia na vulicach horada stali płakać, pačulisia vokličy: «Niama pravasudździa, niama miru!»
Zatym ahresiŭna nastrojenyja pratestoŭcy pačali kidać butelki ŭ supracoŭnikaŭ pravaachoŭnych orhanaŭ, a taksama atakavać ich aŭtamabili.
Niekatoryja pasprabavali raźbić šyby ŭ palicejskaj mašynie i pierakulić jaje. Suprać ich byŭ užyty ślezaciečny haz. Prynamsi adzin čałaviek paciarpieŭ — u žančyny ŭ natoŭpie zdaryŭsia sardečny prystup.
Pry hetym bolšaść tych, chto sabraŭsia, vykazvaje svoj pratest adnosna mirna.
Rašeńnie pra los biełaha palicejskaha Darena Uiłsana, jaki zastreliŭ padletka Majkła Braŭna, było vyniesiena pozna ŭviečary 24 listapada. Na dumku prysiažnych, jakim treba było vyrašyć pytańnie ab vydavańni padazravanaha sudu, padstaŭ dla takoha rašeńnia niama.
Siamja Braŭna zajaviła, što «hłyboka rasčaravanaja» rašeńniem žury. Pry hetym svajaki zaklikali zachoŭvać mirny charaktar pratestu i vystupać za toje, kab kožny supracoŭnik palicyi byŭ abaviazany nasić na sabie videarehistratar.
Barak Abama zaklikaŭ pavažać rašeńnie suda i ŭstrymacca ad biesparadkaŭ.
U Fierhiusanie čutnyja aŭtamatnyja čerhi
Palicyja Sent-Łuisa paviedamiła pra toje, što ŭ adnym z rajonaŭ horada Fierhiusana, dzie praciahvajucca biesparadki, čutnaja intensiŭnaja stralba z aŭtamatyčnaj zbroi. Pakul nieviadoma, chto mienavita pačaŭ stralbu.
***
Zabojstva 18-hadovaha Braŭna adbyłosia 9 žniŭnia. Častka śviedak śćviardžała, što pamiž palicyjantam i junakom adbyłasia sprečka. Uiłsan staŭ stralać u Braŭna i nie spyniaŭ, niahledziačy na toje, što toj padniaŭ ruki. Pa viersii palicyi, Braŭn sam napaŭ na Uiłsana, što paćvierdžana pakazańniami inšych śviedak. Paśla incydentu ŭ Fierhiusanie ŭspychnuli biesparadki, jakija praciahvalisia niekalki tydniaŭ.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary