Miedyk u Homieli fatahrafavaŭ orhany pacyjentaŭ padčas apieracyj i źmiaščaŭ u internet
Zdymki źjavilisia jašče dva hady tamu, ale ŭvaha da doktara była pryciahnutaja tolki ciapier — na fonie anałahičnaha skandału ŭ Rasii.
Žurnalisty «Homielskaj praŭdy» znajšli šakujučy zdymak u sacyjalnaj sietcy «Vkontaktie». Jak možna mierkavać, aŭtar fota pracuje ŭ homielskaj lakarni. Padčas apieracyi jon rabiŭ zdymki pacyjenta i vykładaŭ u internet.
Pry hetym aŭtar zdymkaŭ jašče i zadaŭ virtualnym siabram pytańnie: «Adhadajcie, jaki orhan». «Homielskaja praŭda» piša, što ŭ jašče adnoj sietcy — Instahram — jość jašče niekalki zdymkaŭ, zroblenych padčas apieracyjaŭ. Małady doktar vykładaje ich z cheštehami — #apieracyja #CRB #biełaruś.
Jurysty kažuć, što heta parušeńnie Zakona «Ab achovie zdaroŭja», bo daktary abaviazanyja zachoŭvać lekarskuju tajamnicu.
Kamientary