Paŭdniovaja Kareja pradaść 120 samachodnych haŭbic K9 Polščy, paviedamili pradstaŭniki kampanii Samsung Techwin.
Zhodna z damovaj, Samsung Techwin, častka Samsung Group, pastavić 24 pieršyja samachodki, a potym polski dziaržaŭny kancern Huta Stalowa Wola pa licenzii zrobić astatnija 96. Kantrakt aceńvajecca prykładna ŭ $320 miljonaŭ, paviedamlajuć aficyjnyja krynicy.
K9 majuć maksimalnuju dalnaść ahniu ad 30 km da 56 km roznymi typami snaradaŭ, važać 47 t i mohuć ruchacca z chutkaściu da 67km/h. Samachodki majuć lehkaje braniravańnie, jakoje abaraniaje ekipaž i miechanizmy ad 14,5mm braniebojnych kulaŭ i askiepkaŭ snaradaŭ.
Hetyja sučasnyja samachodki mohuć imhnienna mianiać pazicyju, vystrelvajuć da 6 snaradaŭ u chvilinu, a taksama mohuć vieści ahoń u režymie Multiple Rounds Simultaneous Impact — Adnačasovaha ahniavoha ŭdaru niekalkimi snaradami. U hetym režymie adna mašyna vypuskaje 3 snarady za 15 siekundaŭ, i ŭsie jany traplajuć u cel adnačasova.
Pakul taki režym ahnia siarod postsavieckich samachodak majuć, pa dadzienych presy, tolki rasiejskija 2S19M2 — niadaŭna madernizavanyja 152mm samachodnyja haŭbicy «Msta-S». Takich harmataŭ RF, jak ličycca, maje 108.
155-milimietrovaja samachodnaja haŭbica K9 była raspracavanaja ŭ 1998 hodzie. Razam ź joj była stvoranaja mašyna aŭtamatyčnaha papaŭnieńnia bajezapasu K10. Pakul nieviadoma, ci Polšča nabyvaje razam z K9 i K10.
U Polščy jość padobnyja 155mm samachodki AHS Krab, adnak jany pakul zadavolili pa svaich jakaściach Ministerstva abarony krainy.
Vierahodna, prablemy z dapracoŭkaj kanstrukcyi AHS Krab prymusili Polšču chutčej šukać mahčymaści pavialičyć artyleryjskuju moc svajoj armii na fonie rezkaha abvastreńnia situacyi ŭ Jeŭropie ŭ suviazi z rasijskaj ahresijaj suprać Ukrainy. Da taho ž bajavyja dziejańni va Ukrainie prademanstravali, što nie piachotnaja zbroja, a mienavita artyleryja zastajecca asnoŭnym srodkam źniščeńnia praciŭnika ŭ situacyi, kali avijacyja nie maje svabody dziejańnia.
Kamientary