Analityk: Rasija rychtujecca da doŭhaterminovaj kanfrantacyi z Zachadam
Dla Maskvy «chałodnaja vajna» ŭžo pačałasia, i rasijkaje kiraŭnictva ličyć, što jamu niama čaho hublać, piša rasijski analityk Vasilij Kašyn dla amierykanskaha internet-vydańnia defensenews.com.
Maskva zacikaŭlenaja ŭ tym, kab zamarozić kanflikt u Danieckaj i Łuhanskaj abłaściach Ukrainy, pieraŭtvaryŭšy ich ŭ niepryznanyja dziaržavy albo ŭ vielmi šyrokija aŭtanomii ŭ składzie Ukrainy. Na dumku Kašyna, jaki źjaŭlajecca supracoŭnikam maskoŭskaha Centra analizu stratehij i technałohij, heta adpaviadaje hałoŭnym metam palityki RF va Ukrainie.
Ale vajennaja deeskałacyja va Ukrainie nie adznačaje źmienaŭ u źniešniaj palitycy RF — Maskva za košt jaje źbiraje palityčny kapitał, kab prajści praz ekanamičny kryzis i pravieści patrebnyja reformy i skaračeńni biudžeta, piša analityk.
Pry hetym zachodnija sankcyi źjaŭlajucca tolki druhasnym faktaram u prablemach strukturna chvoraj rasijskaj ekanomiki, ale dazvalajuć rasijkaj prapahandzie skiroŭvać niezadavoleńnie nasielnictva suprać ZŠA i ES.
U suviazi z hetym RF nie zacikaŭlenaja ŭ palityčnych sastupkach Zachadu i Ukrainie ŭ abmien na źmiahčeńnie ci admienu sankcyj. Admiena sankcyj tolki niaznačna palepšyć stan rasijskaj ekanomiki, a voś demanstracyja słabaści budzie palityčnym samahubstvam, miarkuje Kašyn.
Takim čynam, zaklučaje jon, RF idzie da doŭhaha supraćstajańnia z Zachadam, padčas jakoha budzie zbližacca z Kitajem, ale pasprabuje ŭniknuć praźmiernaj zaležnaści ad paŭdniova-ŭschodniaha susieda.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary