Amatar Vikipiedyi za 7 hod vypraviŭ adnu i tuju pamyłku 47 tysiač razoŭ
Historyju Brajana Chendersana, viadomaha jak Giraffedata, raspaviadaje karystalnik Geektimes.
Adzin z samych plonnych redaktaraŭ Vikipiedyi, 51-hadovy prahramist Chendersan ciaham 7 hod vypraŭlaje adnuju i tuju pamyłku. Jon uručnuju adredahavaŭ bolš za 47 tysiač uryŭkaŭ tekstu anłajn-encykłapiedyi. Upartaść zrabiła jaho kultavym piersanažam siarod vikipiedystaŭ.
Jaho razdražniaje słovazłučeńnie-parazit «comprised of» — «što składajecca z».
Chacia słova «comprise» maje značeńnie «uklučać u siabie», jaho časta vykarystoŭvajuć u značeńni «składacca z», dzie pravilnym budzie «composed of». Svaju racyju Chendersan abhruntavaŭ u ese na 6 tysiač słoŭ.
Jon karystajecca ŭłasnaj prahramaj, jakaja šukaje pa Vikipiedyi nienavisnuju pamyłku.
Kab nie kanfliktavać ź niekatorymi nie mieniej upartymi aŭtarami, prahrama źviaraje zahałoŭki z afłajn-bazaj pravak Chendersana za apošnija paŭhoda. Niekatoryja mohuć pakryŭdzicca na «vajnu pravak» i buduć adstojvać prava pisać «comprised of» i skardzicca na «nienarmalnaha» aŭtara. U 2009 hodzie skarha dajšła navat da zasnavalnika Vikipiedyi Džymi Uełša.
Kali patencyjnych kanfliktaŭ nie vyjaŭlena, prahrama vydaje Chendersanu śpis artykułaŭ z pamyłkaj, zatym prahramist pravić pamyłki ŭručnuju. Pa słovach Chendersana, za hadzinu pracy jon paśpiavaje vypravić 70-80 pamyłak, a sama praŭka zajmaje ŭ jaho 10 siekund. Za spravu jon biarecca kožnuju niadzielu pierad snom.
-
Navukoŭcy nazvali samyja niesumlennyja krainy śvietu. Jeŭrapiejcam i tut jość čym hanarycca
-
Jak zrabić dron amal niabačnym? Navukoŭcy prapanavali niečakana prostaje rašeńnie
-
Jon nahadvaje marskoha skata: amierykanski startap stvaryŭ samalot biez zvykłych kryłaŭ i iluminataraŭ, jaki moža stać novaj staronkaj u avijacyi
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć27
Kamientary