Biełaruskaja bijatłanistka Darja Błaško zaniała pieršaje miesca ŭ sprynterskaj honcy siarod dziaŭčat da 19 hadoŭ, jakaja prajšła ŭ Raŭbičach 20 lutaha, u treci dzień junackaha i junijorskaha čempijanatu śvietu.
Dystancyju 6 km spartsmienka pieraadoleła za 16 chvilin 26,4 siekundy, nie zrabiŭšy promachaŭ na ahniavych rubiažach. Błaško na 5,5 siekundy apiaredziła Džuliju Švajhier z Aŭstryi, jakaja taksama stralała biez promachaŭ. Treciaj finišyravała narviežka Inhryd Tandrevołd (6,2; 0 + 1).
U piaciorku najmacniejšych uvajšli jašče dźvie biełaruski. Dynara Alimbiekava zaniała 4-je miesca, Hanna Soła — 5-je.
Heta pieršy miedal biełaruskich spartsmienaŭ na suśvietnym junijorskim i junackim pieršynstvie. Siońnia taksama adbudziecca sprynt na 7,5 km siarod junakoŭ da 19 hadoŭ.
Miedalny zalik: Ukraina — 2 załatyja, 0 siarebranych, 0 bronzavych; Rasija — 1, 1, 2; Biełaruś i Francyja — pa 1, 0, 0; Narviehija — 0, 1, 2; Aŭstryja, Danija i Polšča — pa 0, 1, 0; Kazachstan — 0, 0, 1.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary