Da kryminalnaj adkaznaści za ŭdzieł u akcyi pratestu 10 studzienia mohuć być pryciahnuty da 50 čałaviek, zajaviŭ ministar Navumaŭ.
Pavodle jaho słoŭ, «dziejańniam udzielnikaŭ lohka davać acenku», pakolki ŭsio, što adbyvałasia, zapisana sistemaj videanazirańnia.
«Kali vielmi pryncypova padyści, napeŭna, da 50 maładych ludziej mohuć być pryciahnutyja da kryminalnaj adkaznaści. Ale, jak zaŭsiody, my starajemsia ŭ svajoj acency davać šanc ludziam, kab jany ŭśviadomili, što ŭčynienyja imi dztiańni supraćzakonnyja», — skazaŭ U.Navumaŭ.
Pavodle jaho słoŭ, padčas rasśledavańnia dadzienaj kryminalnaj spravy buduć uličvacca ŭzrost udzielnikaŭ akcyi i «psichałohija natoŭpu».
Nahadajem, što akcyja pratestu 10 studzienia była arhanizavana indyvidualnymi pradprymalnikami (IP) u znak pratestu suprać padpunkta 1.1 ukaza prezidenta № 760, zhodna ź jakim z 1 studzienia 2008 hoda IP mohuć najmać rabotnikaŭ tolki ź liku blizkich svajakoŭ. U akcyi ŭziali ŭdzieł bolš jak try tysiačy čałaviek. 27 udzielnikaŭ byli zatrymanyja milicyjaj. 22 zatrymanyja byli asudžanyja na 15 sutak administracyjnaha aryštu, adzin — na 20 sutak.
Kamientary