Dzieviaci padviedamasnym kancernu «Biellespapierapram» dziaržpradpryjemstvam padoŭžać terminy pahašeńnia kredytaŭ maksimum jašče na 5 hadoŭ. Adpaviednaje rašeńnie zaćvierdžana ŭkazam №160 ad 9 krasavika 2015 hoda, jakim uniesieny źmieny va ŭkaz № 529 ad 18 kastryčnika 2007 hoda.
Nahadajem, što ŭ 2007 hodzie Alaksandr Łukašenka pahadziŭsia akazać dziaržpadtrymku 9 pradpryjemstvam — «Barysaŭdrevu», «Viciebskdrevu», «Homieldrevu», «Ivacevičdrevu», «Mastoŭdrevu», «Rečycadrevu», «Fandok», «Mahiloŭdrevu» i «Mazyrskamu DAKu». Na praciahu šaści hadoŭ hetym zavodam byli vyłučanyja bankaŭskija kredyty na ahulnuju sumu bolš za 1 młrd jeŭra.
Adnak terminy realizacyi inviestprajektaŭ nieadnarazova pieranosilisia i zryvalisia. Kamitet dziaržkantrolu vyjaviŭ šerah parušeńniaŭ pry praviadzieńni madernizacyi. Alaksandr Łukašenka ŭ čas svaich vizitaŭ na šerah drevaapracoŭčych vytvorčaściej raskrytykavaŭ kiraŭnictva kancerna «Biellespapierapram» za «šmatlikija fakty biezhaspadarčaści, raschlabanaści, parušeńni pracoŭnaj i technałahičnaj dyscypliny» na vyšejzhadanych pradpryjemstvach.
Madernizacyja na mnohich pradpryjemstvach ŭsio ž zaviaršyłasia, ale pazykovaja nahruzka dušyć. Novy ŭkaz №160 pryniaty «ŭ metach stvareńnia ŭmoŭ dla pavyšeńnia efiektyŭnaści raboty arhanizacyj drevaapracoŭčaj pramysłovaści». «Prapanavać bankam Respubliki Biełaruś padoŭžyć terminy pahašeńnia kredytaŭ (…) nie bolš čym na piać hadoŭ u adnosinach da kančatkovym terminach pahašeńnia», skazana ŭ dakumiencie. Takim čynam vykanańnie abaviazacielstvaŭ pierad bankami (Biełarusbank, Biełahraprambank, BPS-Śbierbank i Bielinviestbank) moža raściahnucca da 13 hadoŭ, heta značyć da 2029—2030 hh.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki11
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary