«Novaja hazieta», jakaja rychtavałasia admovicca ŭ mai ad papiarovaha farmatu, viadzie intensiŭnyja pieramovy z patencyjalnymi inviestarami i praciahnie vychodzić u druk, zajaviŭ hałoŭred Dźmitryj Murataŭ.
U pačatku sakavika stała viadoma, što vypusk papiarovaj viersii «Novaj haziety» moža być prypynieny ŭžo ŭ mai, pakolki vydańnie bolš za hod nie atrymlivaje hrošaj ad akcyjaniera, u jaje niama dachodaŭ ad rekłamy i ŭsio heta na fonie składanaj ahulnaj situacyi na rynku drukavanych ŚMI. Pres-sakratar haziety Nadzieja Prusiankova raspaviała tady, što elektronnaja viersija vydańnia pry hetym budzie vychodzić pa-raniejšamu. Pavodle jaje słoŭ, kiraŭnictva «Novaj haziety» razhladała varyjanty prodažu častki pakieta akcyj, viało pieramovy z mahčymymi inviestarami.
«U nas pakul situacyja zastajecca. My adnaznačna budziem vychodzić (na papiery). Źjaviłasia šmat cikavych roznych prapanoŭ (ad patencyjnych inviestaraŭ), my znachodzimsia ŭ stadyi abmierkavańnia», — raspavioŭ Murataŭ, ale da aficyjnaha zaklučeńnia ździełki nie staŭ raskryvać, z kim iduć pieramovy.
Pavodle jaho słoŭ, tryvoha, jakaja padniałasia ŭ pačatku sakavika ŭ suviazi z zajavaj «Novaj haziety» ab mahčymym spynieńni papiarovaj viersii, «i ŭ Rasii i ŭ śviecie była pačutaja», paśla čaho redakcyja atrymała šerah cikavych prapanoŭ.
«Hazieta budzie vychodzić paśla majskich śviataŭ. Viadziem intensiŭnyja pieramovy i raźličvajem na paśpiachovy zychod», — reziumavaŭ Murataŭ.
«Novaja hazieta» vychodzić z 1993 hoda i viadomaja svaimi žurnalisckimi rasśledavańniami.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary