Ukrainski «Dniapro» vyjšaŭ u finał Lihi Jeŭropy, vyjhraŭšy ŭ Kijevie ŭ «Napali» — 1:0 (pieršy matč — 1:1).
Jaho supiernikam budzie ispanskaja «Sievilja», jakaja dvojčy vyjhrała ŭ «Fijarenciny» — 3:0 i 2:0. Finał turniru projdzie 27 maja ŭ Varšavie.
Na 58-j chvilinie hoł zabiŭ Jaŭhien Sielaźnioŭ. Halavy momant pačaŭsia z taho, što Jaŭhien Kanaplanka naviesiŭ źleva, Sielaźnioŭ «pieravisieŭ» u pavietry abaroncu «Napali» Mihiela-Anchiela Brytasa i ŭ padzieńni prabiŭ hałavoj pad pierakładzinu - 1:0.
Ale hierojem matču staŭ hałkipier ukraincaŭ Dzianis Bojka, jaki adbiŭ niekalki ŭdaraŭ.
Reuters.com
Prezident FK «Dniapro» Ihar Kałamojski skazaŭ paśla matču:
«Vinšuju ŭsiu Ukrainu z vychadam «Dniapra» ŭ finał — bo siońnia heta pieramoha ŭsioj krainy.
Chaču pryśviacić siońniašni pośpiech usim zaŭziataram našaj lubimaj kamandy i, asabliva tym, chto nie zmoh, i ŭžo nie zmoža paradavacca hetamu histaryčnamu pośpiechu. Tym, chto nie dažyŭ da jaho, abaraniajučy Radzimu. A da pieramohi nam zastaŭsia ŭsiaho adzin krok, i ja žadaju nam usim jaho zrabić!»
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja97
Kamientary