Pavodle infarmacyi, jakoj vałodaje «Perspektyva», staŭki adzinaha padatku dla indyvidualnych pradprymalnikaŭ buduć pavialičany ad paŭtara da dvuch razoŭ.
Pavodle infarmacyi, jakoj vałodaje «Perspektyva», staŭki adzinaha padatku dla indyvidualnych pradprymalnikaŭ buduć pavialičany ad paŭtara da dvuch razoŭ.
U chutkim časie staŭki adzinaha padatku dla indyvidualnych pradprymalnikaŭ (IP) buduć pierahledžany, paviedamiŭ 14 lutaha BiełaPAN staršynia respublikanskaha hramadskaha abjadnańnia «Pierśpiektyva» Anatol Šumčanka. Pavodle jaho słoŭ, pra heta było zajaŭlena na pasiadžeńni rabočaj hrupy pa padrychtoŭcy prapanoŭ dla vyrašeńnia prablemnych pytańniaŭ dziejnaści indyvidualnych pradprymalnikaŭ pry Ministerstvie ekanomiki, na jakoje jon byŭ zaprošany ŭ jakaści člena hrupy.
Pavodle słoŭ lidera «Pierśpiektyvy», pradstaŭniki Ministerstva pa padatkach i zborach paviedamili, što «staŭki buduć pierahladacca miascovymi savietami narodnych deputataŭ i padvodzicca da ŭzroŭniu padatkaabkładańnia jurydyčnych asob».
«Pavodle infarmacyi, jakoj vałodaje «Pierśpiektyva», staŭki padatku buduć pavialičany ad paŭtara da dvuch razoŭ. Na moj pohlad, heta robicca dla taho, kab stymulavać IP pierachodzić u pryvatnyja unitarnyja pradpryjemstvy», — skazaŭ A.Šumčanka.
Lider «Pierśpiektyvy» prainfarmavaŭ, što padčas pasiadžeńnia rabočaj hrupy, kudy aprača IP byli zaprošany pradstaŭniki pryvatnych unitarnych pradpryjemstvaŭ (PUP) z rehijonaŭ, była pryznana niezdavalniajučaj praca haračych linij, arhanizavanych u ministerstvach i abłvykankamach. Jak zaznačali pradprymalniki, jany nie atrymlivajuć dakładnych adkazaŭ na pytańni, što ich cikaviać, ich adpraŭlajuć abo ŭ inšyja viedamstvy, abo adkazvajuć dziažurnymi frazami.
Vialikuju krytyku ŭ IP vyklikała sproščanaja sistema buchhałtarskaha ŭliku, stvoranaja dla PUP.
«Sami pradstaŭniki PUP skazali, što prapanavanaja im sproščanaja sistema buchuliku nie moža pracavać z‑za składanaści ahulnaha padatkaabkładańnia. Bolš za toje, jany sutyknulisia z tym, što niama takich pieršasnych dakumientaŭ buchhałtarskaha ŭliku, jak kniha dachodaŭ i raschodaŭ», — zaznačyŭ lider pradprymalnickaha ruchu.
Kamientujučy vyniki pasiadžeńnia rabočaj hrupy, A.Šumčanka skazaŭ:
«I indyvidualnyja pradprymalniki, i pradstaŭniki pryvatnych unitarnych pradpryjemstvaŭ salidarnyja ŭ tym, što ekanamičnyja i zakanadaŭčyja ŭmovy dla viadzieńnia małoha biźniesu ŭ Biełarusi nie stvorany».
Natalla Karotkaja, BiełaPAN
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary