Biełyja miadźviedzi navučylisia zachoŭvać delfinaŭ u «chaładzilnikach»
Situacyja niazvykłaja jak dla miadźviedziaŭ, tak i dla delfinaŭ.
Narviežskija navukoŭcy zaŭvažyli biełych miadźviedziaŭ za pajadańniem biełamordych delfinaŭ, što zapłyli zanadta daloka na poŭnač. Miadźviedzi nie źjadali adrazu ŭvieś ułoŭ — častku jany chavali ŭ śnieh, pišuć navukoŭcy ŭ časopisie Polar Research.
Raniej biełamordych delfinaŭ nie zaŭvažali jak na šyracie Špicbierhiena, tak i ŭ racyjonie biełych miadźviedziaŭ. Samim biełym miadźviedziam nie ŭłaścivaja «zapaślivaść» z zachoŭvańniem zdabyčy ŭ śniezie.
Upieršyniu miadźviedziaŭ za pajadańniem delfinaŭ zaŭvažyli ŭ krasaviku 2014 hoda na vostravie Špicbierhien (Narviehija), u nastupnyja miesiacy było zafiksavana prynamsi piać takich vypadkaŭ. Navukoŭcy miarkujuć, što miadźviedzi łoviać delfinaŭ tak ža, jak ciuleniaŭ: kali tyja vypłyvajuć z-pad lodu, kab padychać pavietram.
Miarkujecca, što biełamordyja delfiny płyli ŭ ciopłyja vody, ale mocny paŭnočny viecier złaviŭ ich u ledzianuju pastku, nie daŭšy adpłyć na poŭdzień da pačatku zimy.
Z paciapleńniem klimatu racyjon biełych miadźviedziaŭ budzie papaŭniacca niezvyčajnaj zdabyčaj, bo tyja «hatovyja pryniać i spažyvać što zaŭhodna kali zaŭhodna», miarkujuć navukoŭcy. Paciapleńnie tym časam «navučyła» ciuleniaŭ palavać na roŭnych im pa pamierach akuł.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary