Kali pašancuje z nadvorjem.
Poŭnaje miesiacovaje zaćmieńnie 2008 hodu projdzie ŭnačy z 20 na 21 lutaha, kali Miesiac budzie znachodzicca ŭ zadyjakalnym znaku Panny. Pry biaschmarnym nadvorji biełarusy zmohuć pabačyć hetuju niezvyčajnuju astranamičnuju źjavu, paviedamili karespandentu BIEŁTA ŭ abservatoryi BDU.
Pryvatnaje miesiacovaje zaćmieńnie pačniecca ŭ 3 hadziny 43 chviliny, u 5 hadzin 4 chviliny nastupić poŭnaje zaćmieńnie, jakoje dasiahnie svajho piku ŭ 5 hadzin 26 chvilin i skončycca ŭ 7 hadzin 9 chvilin. Zaćmieńnie lepš za ŭsio budzie bačnaje ŭ Amerycy, Zachodniaj Afrycy, paŭdniovym zachadzie Azii dy Eŭropie. Niemahčyma budzie jaho nazirać va Ŭschodniaj Azii j Aŭstralii. Praciahłaść poŭnaj fazy — kala 51 chviliny.
U abservatoryi BDU adznačyli, što poŭnaje miesiacovaje zaćmieńnie — adna z samych vidoviščnych astranamičnych źjaŭ. Miesiac pahružajecca ŭ konus ziamnoha cieniu (Ziamla pry hetym znachodzicca na linii, jakaja złučaje Sonca j Miesiac) i nabyvaje čyrvanavataje ci karyčnievaje adcieńnie. Jahony koler zaležyć ad stanu vierchnich słajoŭ ziamnoj atmasfery.
Nazirać hety praces možna dva razy na hod u luboj kropcy Ziamli, u jakoj Miesiac znachodzicca nad haryzontam. Druhoje j apošniaje zaćmieńnie 2008 hodu, častkovaje miesiacovaje zaćmieńnie ŭ Vadalivie, adbudziecca 17 žniŭnia j budzie vizualna naziracca va ŭschodniaj Paŭdniovaj Amerycy, Eŭropie, Afrycy j Azii.
Pieršaje poŭnaje miesiacovaje zaćmieńnie zarehistravana ŭ staradaŭnich kitajskich letapisach. Z dapamohaj raźlikaŭ udałosia vyśvietlić, što jano adbyłosia 29 studzienia 1136 hodu da našaj ery. Jašče try poŭnyja miesiacovyja zaćmieńni zafiksavanyja ŭ «Almahieście» Kłaŭdzija Ptalemieja (19 sakavika 721 hodu da našaj ery, 8 sakavika j 1 vieraśnia 720 hodu da našaj ery).
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym5
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary