Bolš za pałovu abłomkaŭ spadarožnika ŭpaduć na Ziamlu ciaham 15 hadzin paśla patrapleńnia rakiety.
Hety krok byŭ zrobleny, niahledziačy na zaściarohi, što drennaje nadvorje moža paškodzić praviadzieńniu aperacyi.
U vajskoŭcaŭ było ŭsiaho 10 sekundaŭ na toje, kab pastaracca źbić spadarožnik, jaki lacieŭ na vyšyni 210 kilametraŭ nad Cichim akijanam.
Spadarožnik pad nazvaj USA 193 straciŭ suviaź ź Ziamloj i vyjšaŭ z‑pad kantrolu usiaho praź niekalki hadzin paśla zapusku ŭ 2006 hodzie.
Pamieram jon ź nievialički aŭtobus, važyć kala dzieviaci tonaŭ.
U studzieni Pentahon paviedamiŭ, što systema enerhazabieśpiačeńnia spadarožnika sapsavałasia, a sam jon utrymlivaje niebiaśpiečnaje rečyva.
Zadačaj vajskoŭcaŭ było maksymalna paškodzić paliŭny bak, kab jak maha bolšy abjom taksyčnaha rakietnaha paliva hidrazin raspyliŭsia da ŭvachodu spadarožnika ŭ vierchnija słai atmasfery i padzieńnia na Ziamlu.
Pavodle słoŭ pradstaŭnikoŭ amerykanskich uładaŭ, hidrazin moža nanieści surjoznuju škodu zdaroŭju ci navat pryvieści da śmierci, kali jaho ŭdychnie čałaviek.
Pakul niezrazumieła, ci paceliła rakieta ŭ paliŭny bak, jaki źmiaščaje 450 kilahramaŭ hidrazinu.
Čakajecca, što bolš za pałovu abłomkaŭ spadarožnika ŭpaduć na Ziamlu ciaham 15 hadzin paśla patrapleńnia rakiety — heta značyć za dva abaroty vakoł Ziamli.
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»49
Kamientary