Kiraŭnik MZS Ukrainy Pavieł Klimkin zajaviŭ, što nivodnaja dziaržava, jakaja pavažaje pravy čałavieka i mižnarodnaje prava, «nikoli nie pryznaje rasiejskaj akupacyi Kryma i złačynnyja rašeńni Rasii».
Klimkin prakamientavaŭ zajavu kiraŭnika MZS Rasiei Siarhieja Łaŭrova pra toje, što «pytańnie z Krymam zakrytaje».
Łaŭroŭ skazaŭ na samicie BRIKS i ŠAS u Ufie, što hetaje pytańnie «zakryŭ narod Kryma», i kroki, pryniatyja Rasijaj, byli zroblenyja «na padstavie jasna vyjaŭlenaj voli krymskaha naroda». Jon dadaŭ, što partniory Rasii nie zajaŭlajuć ab niepryznańni vynikaŭ krymskaha refierendumu, jaki praviali ŭ sakaviku 2014 hoda prarasijskija sieparatysty.
U vynikovych dakumientach samitu, skazaŭ Łaŭroŭ, jość pałažeńni ab nieabchodnaści poŭnaha vykanańnia Minskich damoŭlenaściej, jakija nie majuć dačynieńnia «da krymskaha pytańnia».
Klimkin zajaviŭ, što «Rasija zakryła Krym śvietu. Rasija taksama zakryła Krym dla tych žycharoŭ paŭvostrava, jakija chočuć žyć na rodnaj ziamli va ŭmovach svabody i dabrabytu». Ukraina hatovaja, skazaŭ Klimkin, abmiarkoŭvać z Maskvoj, jak prapanavaŭ Łaŭroŭ, situacyju ŭ Danbasie ŭ farmacie parłamienckaj hrupy z udziełam pradstaŭnikoŭ ES i ZŠA.
Heta mahčyma pry ŭmovie vyvadu z ukrainskaj terytoryi «rehularnych rasijskich vojskaŭ, spynieńnia pastavak zbroi terarystam, adnaŭleńnia kantrolu Ukrainy nad miažoj z Rasijaj», dadaŭ ukrainski ministr.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary