U chodzie ŭstupnaj kampanii hetaha hoda Jeŭrapiejski humanitarny ŭniviersitet u Vilni (EHU) pryniaŭ na 33% bolš studentaŭ mahistarskich prahram, čym u minułym hodzie. U dva razy ŭzrasła kolkaść tych, chto pastupiŭ na takija mahistarskija prahramy, jak «Mižnarodnaje prava i prava ES», «Publičnaja palityka» i «Histaryčnaja i kulturnaja spadčyna», havorycca ŭ pres-relizie univiersiteta.
Druhoj admietnaściu ustupnaj kampanii—2015 stała novaja bakałaŭrskaja prahrama «Suśvietnaja palityka i ekanomika», jakuju EHU adkryŭ u supracoŭnictvie z univiersitetam Vitaŭtasa Vialikaha. Jana źjaŭlajecca adzinaj sumiesnaj bakałaŭrskaj prahramaj u Litvie, vypusknikam jakoj prysvojvajecca padvojny dypłom.
Z metaj zabiaśpiečyć jašče bolšuju kolkaść tych, chto pastupaje ź Biełarusi z 2015 hoda EHU prapanuje Kursy padrychtoŭčaha hoda ŭ Vilni i ŭ Minsku.
«Da hetaha času ŭ Minsku ŭ centry «Prapilei» naš univiersitet moh prapanavać školnikam kansultacyi pa padrychtoŭcy da ispytaŭ, a z hetaha hoda my prapanujem hruntoŭnyja kursy pa padrychtoŭcy da vučoby va ŭniviersitecie, jakija buduć prachodzić jak u Minsku, tak i ŭ Vilni. Na ŭsim praciahu kursaŭ studenty zmohuć zastavacca ŭ Litvie, znachodzicca va ŭniviersitecie, pahłybić svaje viedy anhielskaj movy, padrychtavacca da zdačy ispytaŭ, udzielničać va ŭniviersiteckich prajektach i zabiaśpiečyć svaju nastupnuju intehracyju va ŭniviersiteckuju supolnaść», — kaža kiraŭnik adździeła pa nabory studentaŭ EHU Maksimas Miłta.
Novy akademičny hod u EHU pačniecca 1 kastryčnika.
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami34
Kamientary