Rasijskija bajkiery z kłuba «Načnyja vaŭki» 10 žniŭnia pryjechali ŭ Brest, kab dać start motaprabiehu «Darohi Pieramohi. Na Sievastopal».
Motaprabieh startuje ź piaci haradoŭ — Bresta, Sankt-Pieciarburha, Kazani, Maskvy i Ałmaty. Zakončycca ŭ Sievastopali, dzie 21 žniŭnia adbudziecca XX Mižnarodnaje bajk-šou «Sievastopal. Kuźnia Pieramohi».
Ranicaj 11 žniŭnia jeŭrapiejskaja kałona z dvuch dziasiatkaŭ matacykaŭ z pradstaŭnikami Hiermanii, Aŭstryi, Hałandyi, Sierbii, Słavakii i Rasii adpravicca ŭ šlach. «Načnyja vaŭki» płanujuć za dzień prajechać usiu Biełaruś i bolš nijakich mierapryjemstvaŭ na terytoryi našaj krainy pravodzić nie navažanyja. U paniadziełak pradstaŭniki «Načnych vaŭkoŭ» dali pres-kanfierencyju ŭ konsulstvie Rasii ŭ Breście i naviedali Bresckuju krepaść, dzie ŭskłali vianok i ad supracoŭnikaŭ miemaryjału atrymali žmieniu bresckaj źmiali, jakuju adviazuć na mahiłu abaronca Bresckaj krepaści ŭ Inhušeciju.
«Heta apošniaja naša bujnaja akcyja ŭ hetym hodzie, — paviedamiŭ prezident adździaleńnia «Darohi Pieramohi» motakłuba «Načnyja vaŭki» Andrej Babroŭski na pres-kanfierencyi. — Hetym razam my zaprasili našych siabroŭ ź Jeŭropy i chočam im pakazać Rasiju. Naohuł u motaprabiehu płanujuć udzielničać pryblizna 200 čałaviek. Zaraz nazirajucca peŭnyja kryzisnyja momanty, i rašeńnie vybracca ŭ taki šlach dajecca vielmi niaprosta. U nastupnym hodzie my płanujem ažyćciavić motaprabieh u Kitaj».
Adkazvajučy na pytańnie karespandenta BiełaPAN, čamu «Načnyja vaŭki» tak časta pryjazdžajuć u Biełaruś, Babroŭski skazaŭ: «Tut šmat pryčyn. Pačniem z taho, što ja sam ź Biełarusi. Heta tranzitnaja kraina, adsiul my možam trapić u Jeŭropu, ja naohuł nie dzialu Biełaruś i Rasiju, dla mianie heta praktyčna adna kraina. I my nie chočam vieścisia na roznyja pravakacyi. Tut, u Breście, lehiendarnaja Bresckaja krepaść, tut pačałasia Vialikaja Ajčynnaja vajna, dziela pamiaci my tut, i heta nie treba zabyvać».
«Niama nijakich padvodnych płyniaŭ u tym, što my jedziem u Krym, motafiestyval u Sievastopali isnuje ŭžo bolš za šeść hadoŭ, — zajaviŭ Babroŭski. — Jak niama pieradumoŭ nazyvać naš kłub «Načnyja vaŭki» prajektam Kramla. Kłub byŭ stvorany ŭ 1989 hodzie, ale, biezumoŭna, padtrymlivajem našaha prezidenta, ja sam asabista hałasavaŭ za Uładzimira Pucina i liču, što nieabchodna padtrymlivać zakonna abranuju ŭładu, inakš heta ciahnie vielmi niadobryja rečy».
Nahadajem, u Breście sioleta niaŭdała zaviaršyŭsia inšy motaprabieh maskoŭskaha motakłuba — «Darohi Pieramohi», u miežach jakoha «Načnyja vaŭki» płanavali z 25 krasavika pa 9 maja prajechać z Maskvy ŭ Bierlin cieraź Minsk, Brest, Vrocłaŭ, Brno, Bracisłavu, Vienu, Prahu, Miunchien i inšyja jeŭrapiejskija harady.
Płany rasijskich bajkieraŭ vyklikali niehatyŭnuju reakcyju ŭ krainach, jakija jany mieli namier naviedać, MZS Polščy admoviła hrupie rasijskich matacyklistaŭ va ŭjeździe. 27 krasavika «Načnych vaŭkoŭ» nie puścili na terytoryju Polščy, a kiraŭniku hrupy Andreju Babroŭskamu anulavali vizu. 28 krasavika prajekt «Darohi Pieramohi. Na Bierlin» byŭ faktyčna zhornuty.
Ciapier čytajuć
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary