Aficyjny kurs dalara ŭ Biełarusi składaje 15 991 rubloŭ. Hety kurs štodnia vyznačajecca padčas tarhoŭ na valutna-fondavaj biržy.
Dziakujučy novaŭviadzieńniam Nacbanka, farmiravańnie kursaŭ stała bolš prazrystym. Analizujucca ŭsie apieracyi pa kupli/prodažy valuty, i siaredni kurs stanovicca aficyjnym. Faktyčna ŭ žyvym efiry ŭsie achvotnyja mohuć adsočvać hety praces.
Tym nie mienš apošnija dni, kali amierykanskaja valuta ŭščylnuju padstupiła da 16 tysiač, fiksujucca dziŭnyja ličby.
12 žniŭnia, kurs dalara vyras z 15771 da 15989 rubloŭ. Tarhi pačynalisia z 15900, dalar dachodziŭ raŭniutka da 16000, ale nivodnaj daražejšaj uhody zafiksavana nie było.
13 žniŭnia, kurs dalara vyras z 15989 da 15997. Udzielniki rynka, zdajecca, maralna padrychtavanyja da taho, kab pieradoleć psichaličnuju miažu. Abjom tarhoŭ u paraŭnańni z papiarednim dniom vyrastaje ŭ paŭtara razu. Samyja tannyja ŭhody zaklučajucca pa kursie 15930, samyja darahija — raŭniutka 16000. Ale ni na rubiel daražej nichto płacić za valutu nibyta nie choča.
14 žniŭnia, kurs dalara apuskajecca z 15997 da 15991. Uhody zaklučajucca ŭ dyjapazonie 15985— 16000 rubloŭ za dalar. Znoŭ nivodnaja apieracyja nie zachodzić za psichałahičnuju miažu.
Try dni zapar na biržy nie prachodzić nivodnaja apieracyja, daražejšaja za roŭna 16 tysiač rubloŭ. Niaŭžo ŭdzielniki rynku pryncypova adstojvajuć pryhožuju ličbu?
Pry hetym banki (naprykład, «Maskva-Minsk», jaki naležyć Nacbanku) hatovyja kuplać dalary ŭ nasielnictva pa 16 000, pradajučy ich až da 16270 rubloŭ («BPS-Śbierbank»).
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom4
Kamientary